LIVRE

Quand ils furent là où ils vouloient venir, ils s'arrétérent et puis s'en vinrent tout de front faire aux barrières armes. Ils furent reculés de grand'façon et par bonne ordonnance; ct crois bien que si ils fussent tous au plain sur les champs il y eut eu telles armes faites qu'il n’y ot point là , car là ils ne pouvoient advenir les uns aux autres, pour les barrières qui étoient closes et fermées.

Là étoit arrèté le maréchal de sa lance sur messire Jean de Chastel-Morant et il sur le maréchal ; et se travailloient pour porter dommage l’un à l'autre, mais ils ne pouvoient, car ils étoient trop fort armés; et messire Thomas de Percy sur messire le Barrois; et messire Maubruin de Linières sur messire Guillaume de Montigny ; et messire Regnault de Roye sur messire Jean d’Aubrecicourt ; et le sire de Taillebot sur messire Tristan de la Gaille; et aussi chacun avoit son pareil. Et si avant que ils se pouvoient asséner luttoient et escarmouchoient de leurs lances. Et quand ils étoient lassés et travaillés, ou trop échauffés, ils changeoïient le pas, et autres chevaliers, tant d’an côté que d'autre, revenoient frais et nouveaux, et escarmouchoient. Là furent-ils en tel ébattement jusques à la tierce toute haute. Bien étoit onze heures quand l'escarmouche se cessa. Et puis encore revinrent archers aux barrières, mais Îles chevaliers, pour la doutance du trait , se départirent, et ordonnèrent lgurs arbalètriers et les Espaignols qui lançoient dardes à l'encontre du trait. Ei dura cette escarmouche, trayant et lançant l’un contre l'autre, jusques à nonne; et puis y revinrent gros varlets pour escarmoucher jusques aux vèpres, et sus le soir jusques à soleil couchant. Et y retournèrent les chevaliers frais et nouveaux et tinrent l'escarmouche. Ainsi fut le jour tout employé jusques à la nuit que les Anglois se retrayrent en leurs logis, et les compagnons de Noye dedans leur fort, et firent bon guait. |

Environ demie lieue du châtel de Noye, tout contre val la rivière, se logèrent les Anglois ; laquelle eau leur fit grand bien et à leurs chevaux aussi, car ils en avoient eu grand'deffaulte à venir jusques à là. Si se vouloient rafraichir cinq ou six jours et puis iroient devant Ville-Arpent voir le connétable de Castille et les François qui là étoient ; et aussi ils avoient oui nouvelles du

roi de Portingal qui se logeoit ès plains de Férol et tout son ost aussi, et vouloit venir devers la ville de Padron en Galice, qui étoit aussi au chemin du duc et des Anglois. Et me semble que le roi de Portingal et le duc de Lancastre se devoient là trouver et être ensemble, et avoir collation de leur chevauchée, pour savoir comment ils persévèreroient. Car ils avoient jà été plus d’un mois sur Le pays et avoient mis enleur obéissance tout le royaume de Galice; petit s'en failloit ; et si ne oyoient nulles nouvelles du roi de Castille ni des François; dont ils avoient grand'merveille, car on leur avoit dit que le roi de Castille avoit fait son mandement à Burges, où il se tenoit , de toutes les parties de Castille, de Séville, de Cordouan , de Toulette, d'Espaigue, du Lion, d'Esturges et du Val-d'Olif, ct de Soire; et avoit bien soixante mille hommes et six mille lances de purs François; et y devoit être le duc de Bourbon, car il étoit parti de France et s'en venoit cette part. Pourtant s'en vouloient retourner eux et leurs deux osts ensemble, les Anglois et les Portingalois, pour être plus forts l’un pour l'autre et plus appareillés si leurs ennemis venoient; car ils tenoient toutes ces nouvelles que on leur disoit des François et des Espaigaols à bonnes et à vraies: et en avoient par semblant grand joie; et vissent volontiers que on se délivrât de eux combattre, car ils ne pouvoient , ce leur sembloit, venir à perfection de leur besogne fors que par bataille.

Messire Guillaume de Lignac et messire Gautier de Passac se tenoient de-lez le roi de Castille là où que il fût ni allât. Car toutes les semaines il avoit deux ou trois fois nouvelles de France et comment on s’y maintenoit, et aussi du duc qui devoit venir et étoit jà mu, mais il avoit pris le chemin d'Avignon, car il vouloit venir voir le pape Clément et les cardinaux : si l'attendoient les dessus dits, et nese fussent jamais combattus sans lui, ni pas il n'appartenoit. Entre les nouvelles que ils avoient eues de France, celle du duc de Bretagne qui avoit ainsi pris ct attrapé au chastel de l'Ermine le connétable de France, et rançonné à cent mille francs, et eut trois de ses chastels et une ville, et rompit le voyage de mer de non aller en Angleterre, les faisoit plus émerveiller que nulle autre chose. Et ne pouvoient sentir à quel propos le duc de Bretagne l'avoit fait, et aussi ne faisoient nuls ou suppo-

soient que ces conseils lui étoient venus d’Angleterre.

Ainsi que je vous dis et que j'ai dit ci-dessus, fut le royaume de France en esmay, espécialement les oncles du roi et les grands seigneurs qui l'aimojent et avoient à conseiller , par les défiances qui vinrent du duc de Guerles; car elles furent felles et mal courtoises et hors dela rieulle des autres défiances , si comme vous direz que je vous dis voir, quand je vous les éclaircirai, et aussi du duc de Bretagne qui avoit brisé si grand fait que le voyage de mer, et pris merveilleusement celui qui en devoit être le chef, le connétable de France, et ranconné de cent mille francs, et lui avoit Ôté quatre chastels ; laquelle chose étoit grandemeut au préjudice du roi, car on n'y pouvoit voir nul titre de raison. Le roi se portoit de toutes ces choses assez bellement, car il étoit jeune; si ne les pesoit pas si grandement, que si adonc il eût été quarante ou cinquante ans d'âge. Et disoient les aucuns anciens, qui ramentevoient le temps passé : «Pour tel fait ou pour le semblable a eu le royaume de France moult à souffrir; car te roi de Navarre fit occire messire Charles d'Espaigne, connétable de France pour le temps, pour laquelle occision le roi Jean ne put oncques depuis aimer le roi de Navarre, et lui tollit à son pouvoir toute sa terre de Normandie. » —«Pensez-vous, disoient les autres, que si le roi père de ce roi vivoit, qui tant aimoit le connétable, que il ne lui dût pas bien annoier P Par Dieu si feroit ; il feroit guerre au duc de Bretagne et lui toldroit sa terre, combien que il lui dût coûter. »

Ainsi et en plusieurs manières en parloit-on au royaume de France ; car toutes gens disoient que ilavoit mal fait. Or fut avisé et regardé des oncles du roi et du conseil, pour adoucir les choses ct le peuple qui trop mal se contentoit du duc de Bretagne, et pour les besognes mettre et réformer en droit, que un prélat et trois barons sages ct vaillans hommes seroient envoyés devers le duc de Bretagne, pour parler à lui et pour ouïr ses raisons , et pour lui faire venir à Paris ou ailleurs, là où le roi voudroit lui excuser de ce que il avoit mesfait. Si y furent nommés : premièrement, l'évêque de Beauvais, messire Milles des Dormans, un sage et vaillant homme et beau langagier. Avecques lui messire Jean de Vienne , messire Jean de Beuil et le sei--

gneur de la Rivière. Ceux furent chargés quelle chose ils devoient dire ct faire. Par espécial, pour lui mieux informer de la matière et de toutes les besognes, l'évêque de Beauvais s’en vint au Mont-le-Herne où le connétable se tenoit, car la ville, le chastel et toutes les appendances, le roi Charles lui donna à lui et à ses hoirs. L'évêque de Beauvais là étant , une maladie le prit, ” dont il s’alita et fut quinze jours en fièvre et en maladie, et puis mourut. Si eut Île prud'homme grand'plainte. Au lieu de l'évèque de Beauvais y fut envoyé l'évèque de Langres. Celui se mit au chemin de Bretagne avecques les dessus dits.

On me pourroit demander, qui voudroit , dont telles choses me viennent à savoir, pour en parler si proprement et si vivement. J'en répondrois à ceux qui m'en demanderoient : que grand'cure et grand'diligence je mis en mon temps pour le savoir, etencerchai maint royaume et maint pays, pour faire juste enquête de toutes les choses qui ci-dessus sont contenues en celle histoire, et qui aussi en suivant en descendront ; car Dieu me donna la grâce et le loisir de voir en mon temps la greigneur partie et d’avoir la connoissance des hauts princes et seigneurs, tant en France comme en Angleterre.

Car sachez que, sus l'an de grâce mil trois cent quatre vingt et dix, je y avois labouré trentesept ans, et à ce jour je avois d'âge cinquante-

sept ans. Au terme de trente-sept ans, quand”

un homme est dans sa force et en son venir, et il est bien de toutes parties, car de ma jeunesse je fus cinq ans de l'hôtel au roi d'Angleterre et de la roine, et si fus bien de l'hôtel du roi Jcan de France et du roi Charles son fils, si pus hien sus ce terme apprendre el concevoir moult de choses. Et pour certain, c'étoit la greigneur imagination et plaisance que je avois que toujours en-

quérir avant et de retenir, et tantôt escripre:

comme j'en avois fait les enquètes. Et comment je fus adonc informé, et par qui, de la prise du connétable et de ce qui en descendit, je le vous dirai.

Je chevauchois, en ce temps que les choses furent advenues, ou un an après, de la cité d'Angers à Tours en Touraine; et avois geu à Beaufort en Vallée. A lendemain , d'aventure je trouvai au dehors le Mont-le-Herne un chevalier de Bretagne et d'amont, lequel s'appeloit messire Guillaume d’Ancenis. et s'en alloit voir la dame

fai LIVRE HI

de Mailly en Touraine, sa cousine, et ses enfans, car elle étoit nouvellement vefve. Je m'acointai du chevalier, cor je le trouvai courtois et doux en ses paroles. Je lui demandai des nouvelles et par espécial de la prise du connétable, dont je tendois fort à savoir la vérité. Il la me dit, car il disoit que il avoit été à Vennes au parlement qui y fut , avecques le seigneur d'Ancenis, un sien cousin et un grand baron de Bretagne. Et tout ainsi comme Espaing du Lion me dit et informa des choses dessus dites qui étoicent advenues en Foix, en Béarn et er. Gascogne, et aussi messire Jean Percek des avenues de Portingal et de Castille, me conta plusieurs choses le gentil chevalier; et plus m'en eût conté si je eusse longuement chevauché en sa compagnie.

Entre Mont-le-Herne et Prilly, a quatre grandes lieues , et nous chevauchions bellement à l'aise des chevaux. Et là, sus ce chemin, il me conta moult de choses , lesquelles je mis bien en remembrance et par espécial des avenues de Bretagne. Et ainsi que nous chevauchions et que nous étions près de Prilly à une lieue, nous entrâmes en un pré. Là s'arrêta-t-il et dit : «Ha ! Dieu ait l'âme du bon connétable de France! H fit ici une fois une belle journée et profitable pour ce pays dessous la bannière messire Jean de Beuil, car il n'étoit pas connétable. mais étoit nouvellement venu et issu hors d'Espaigne. »

Et comment il en advint je le demandai. «Je le vous dirai, dit-il, mais que nous soyons à cheval.» 1l monta et nous montâmes; il commença à chevaucher bellement et puis à faire son conte ainsi comme il en avint.

« Du temps que je vous parle, dit le chevalier, étoit ce pays ici si rempli d’Anglois et de larrons gascons, bretons et allemands et gens aventureux de toutes nations, que tout le pays de çà Loire et de là Loire en étoit rempli, car la guerre de France et d'Angleterre étoit rerouvelée. Si entroient toutes manières de pillards en ce pays et se amassoient et fortifioient par manière de conquête. Le chastel de Beaufort en Vallée, que vous avez vu en étoit tenu; et le pays d'environ vivoit en pactis tout dessous lui. Pour venir à mon propos, Anglois et Gascons tenoient Prilly et l'avoient mallement fortifié, et nul ne les en boutoit ni chassoit hors. Et te-

! noient ce chemin sus la rivière de Loire autres

petits forts et tout à la ronde; et quand ils vouloient chevaucher, ils se trouvoient entre mille et huit cens combattans.

«Le connétable, messire Bertrand, et messire Jean de Beuil, et le sire de Mailly, et aucuns chevaliers de ce pays eurent imagination que ils se mettroient à l'aventure pour délivrer tout le pays. Et se cueillirent environ cinq cens lances, et sçurent que les Anglois vouloient chevaucher et aller vers Saumur ; et étoient tous les capitaines des forts de ci environ mis ensemble, et avoient fait leur amas à Prilly qui siéd devant nous. Nos gens chevauchèrent et passérent celle eau, et se mirent en embûche en un bois qui siéd ci-dessous à la bonne main. Au matin , ainsi qu'au soleil levant , les ennemis se départirent de Prillv. Et étoient bien neuf cens combattans. Quand nos gens les virent venir qui étoient en embûche, ils sçurent bien que combattre les convenoit. Là eurent-ils parlement pour savoir quel cri on crieroit. On vouloit prendre le cri de messire Bertrand, mais il ne le voulst ; et encore plus, il dit que il ne bouteroit jà hors ce jour ni bannière ni pennon, mais se vouloit combattre dessous la bannière de messire Jean de Beuil. Nos ennemis vinrent en .£e pré où je descendis ores. Ils n’y furent oncques sitôt entrés que nous issimes hors du bois et de notre embôche et entrâmes au pré. Quand ils nous virent, ils furent tous confortés, et mirent pied à terre et se ordonnèrent en bon arroi, ct nous aussi d'autre part. Nous entrâmes l’un dedans l’autre. Là eut grand poussis et boutis de lances, et renversé des nôtres et des leurs ; et dura la bataille un grand temps sans branler ni d'une part ni d'autre.

«Au voir dire nous étions tous droites gens d'armes et de élection ; mais des ennemis en y avoit grand’ planté de mal armés et de pillards. Toutes fois ils nous donnoient moult à faire : mais messire Maurice Treseguidy et messire Geoffroy Ricon, et messire Geffroy de Kermel et autres suivoient messire Bertran à l'éperon.

Ceux nous rafreschirent de soixante lances de bonnes gens qu'ils nous amenèrent , et se boutirent en eux tous à cheval, et les espardirent tellement que oncques depuis ne se purent reinettre ensemble. Quand les capitaines de ces pillards virent que la chose alloit mal pour cux, si montérent sus leurs chevaux; les aucuns et

non pas tous, car ils demeurèrent au pré tous morts jusques à sept et bien trois cens des leurs ; et dura la chasse jusques à Saint-Mor sur Loire; et là se boutèrent en un batel messire Robert Tem, messire Richard Helme et Richard Gille et Janequin Clercq. Ces quatre se sauvèrent et traversérent la Loire, et se boutérent en autres forts que leurs gens tenoient par de là Loire; mais point n'y séjournèrent car ils s'en allèrent en Auvergne et en Limousin, et cuiduient toujours avoir le connétable à leurs talons.

«Par cette déconfiture, beau maître, dit le chevalier , fut délivré tout ce pays ici environ, ni oncques depuis n'y eut pillards ni Anglois qui s'y amassèrent : si que je dis que le coanétable Bertran fut un vaillant homme en son lemps et moult profitable pour l'honneur du royaume de France, car il y fit plusieurs recouvrances. »—« Par ma foi, sire, dis-je, vaus dites voir ; ce fut un vaillant homme et aussi est messire Olivier de Clayquin son frère. »

À ce que je nommai Clayquin le chevalier commença à rire, et Je lui demandai : « Sire, pourquoi riez-vous ? » — «Je le vous dirai, ditil, pourtant que vous avez nommé Clayquin. Ce n'est pas le droit surnom d'eux, ni ne fut oncques, comment que tous ceux qui en parlent le nomment ainsi, et nous aussi bien comme vous qui sommes de Bretagne; et messire Bertran, lui vivant, y eût volontiers adressé et remédié si il eût pu; mais il ne put oncques, car le mot est tel que il chied, en la bouche et en la parole de ceux qui le nomment, mieux que l'autre. »

Et adonc lui demandai : « Or me dites, sire, par votre courtoisie, a-t-il grand'différence de l'un à l’autre. » - «Si m'aist Dieu, nennil, dit-il ; il n’y a autre différence de Fun à l’autre, fors que on devroit dire messire Bertran du Glayaquin, et je vous dirai dont ce surnom anciennement lui vint, selon ce que j'ai oui recorder les anciens; et aussi c'est une chose Loute véritable, car on le trouve en escripst ès anciennes histoires et chroniques de Bretagne. »

Celle parole que le chevalier me dit me fit grand bien; et lui dis adonc : « Ha! doux sire, vous me ferez grand plaisir au recorder, et si le rctiendrai de vous, ni jamais je ne l’oublierai ; car messire Bertran fut si vaillant homme que on le doit augmenter ce que on peut.» — «il est