CHAPITRE CLXXV
Camment les François assaillirent Haïnebon moult aspremenl; et comment messire Charles de Blois alla assiéger Auro].
Lendemain les seigneurs de France, qui avoient perdu leurs tentes et leurs pourvéances, eurent conseil qu'ils se logeroient d'arbres et de feuilles plus près de la ville, et qu'ils s maintiendroient plus sagement. Si s'allèrent loger à grand'peine plus près de la ville, et disoient souvent à ceux de la ville ainsi : «Aller, seigneurs, allez querre votre comtesse ; certes elle est perdue; vous ne la trouverez mie de pié-çà. » Quand ceux de la ville, gens d'armes et autres, ouïrent telles paroles, ils furent ébabis et eurent grand'peur que ce grand meschef ne fût avenu à leur dame; si n'en savoient que croire, pourtant qu'elle ne revenoit point, el n’en oyoient nulles nouvelles. Si demeurèrent en tel peur par l'espace de cinq jours.Et la con tesse qui bien pensoit que ses gens étoient en grand meschef pour li, et en grand'doutante , se pourchassa tant qu'elle eut bien cinq cents compagnons .armés et bien montés; puis $ partit de Brest entour mie-nuit, et s'en vint, à soleit levant, et chevauchant, droit à l'un des
côtés de l'ost, et fit ouvrir la porte du châtel de Hainebon, et entra dedans à grand'joie et à grand son de trompettes et de nacaires ; de
quoi l'ost des François fut durement estourmi.
Si se firent tous armer et coururent devers la
ville pour assaillir; et ceux dedans aux fenêtres
pour défendre. Là commença grand assaut et fort, qui dura jusques à haute nonne !; et plus y perdirent les assaillans que les défendans. Environ heure de nonne les seigneurs firent cesser l'assaut, car leurs gens se faisoient tuer et navrer sans raison; et retrairent à leur logis. Si eurent conseil et accord que messire Charles de Blois iroit assiéger le châtel d’Auroy que le roi Artus fit faire et fermer: et iroient avec lui le … ducde Bourbon, le comtede Blois son frère, le maréchal de France messire Robert Bertrand ; etmessire Hervey de Léon , et partie des Genneos; et méssire Louis d'Espaigne , le vicomte de Rohan, et tout le remenant des Gennevoiset Espaignols demeureroient devant Hainebon et manderoient douze grands engins qu'ils avoient
laissés à Rennes pour jeter à la ville et au châtel |
de Haïnebon ; car ils véoient bien qu'ils ne Pouvoient gagner ni rien profiter à l'assaillir. Si que is firent deux osts: si en demeura l’un deant Haïnebon , et l'autre alla assiéger le châtel d'Auroy, qui étoit assez près de là : duquel Doûs parlerons, et nous souffrirons un petit des autres.
