‹ Les chroniques de sire Jean Froissart qui traitent des merveilleuses emprises, nobles aventures et faits d'armes advenus en son temps en France, Angleterre, Bretaigne, Bourgogne, Escosse, Espaigne, Portingal et ès autres parties, nouvellement revues et augmentées d'après les manuscrits avec notes, éclaircissemens, tables et glossaires (volume 3)Chapitre 285 sur 712 · CHAPITRE CCXCIV · texte numérisé non relu

CHAPITRE CCXCIV

Comment le dimanche au matin, après la déconfiture de Crécy, les Auglois déconfirent ceux de Rouen et de Beauvais.

Quand la nuit ce samedi fut toute venue et que on n'oyoit mais ni crier, ni jupper, ni renommer aucune enseigne ni aucun seigneur, si tinrent les Anglois à avoir la place pour eux, et leurs ennemis déconfits. Adonc allumèrent-ils en leur ost grénd foison de fallots et de tortis, pour ce qu'il faisoit moult brun; et lors s’avala le roi Édouard, qui encore tout ce jour n’avoit mis son bassinet , et s'en vint, à toute sa bataille, moult ordonnément devers le prince son fils; si l'accolla et baisa, et lui dit : « Beau fils, Dieu vous doint bonne persévérance! vous êtes mon fils, car loyalement vous vous êtes hui acquitté; si êtes digne de tenir terre. » Le prince à cette parole s'inclina tout bas et se humilia en honorant le roi son père; ce fut raison.

Vous devez savoir que grand liesce de cœur et grand'joie fut là entre les Anglois, quand ils virent et sentirent que la place leur étoit demeurée et que la journée avoit été pour eux : si tinrent cette aventure pour belle et à grand'gloire, et en louèrent et regracièrent les seigneurs et les sages hommes moult grandement,

1 Sorte de sabre à deux trancbans.

24° et par plusieurs fois cette nuit Notre Seigneur qui telle grâce leur avoit envoyée.

Ainsi passèrent celle nuit sans nul bobant ; car

le roi d'Angleterre ne vouloit mie que aucun s'en fesist. Quand vint au dimanche au matin, il fit grand'bruine, et telle que à peine pouvoit-on voir loin un arpent de terre : dont se partirent de l'ost, par l’urdonnance du roi et de ses maréchaux, environ cinq cents hommes d'armes et deux mille archers, pour chevaucher, à savoir si ils trouveroient nullui ni aucun François qui se fussent recueillis. Ce dimanche au matin s’étoient partis d'Abbeville et de Saint-Riquier en Ponthieu les communautés de Rouen et de Beauvais, qui rien ne savoient de la déconfiture qui avoit été faite le samedi: si trouvèrent, à male étreine pour eux, en leur encontre, ces Anglois qui chevauchoient ; et se boutèrent entre eux, et cuidèrent de premier que ce fût de leurs gens. Si- “tôt que les Anglois les ravisèrent, ils leur coururent sus de grand'manière ; et là de rechef eut grand'bataille et dure ; et furent tantôt ces François déconfits et mis en chasse ; et ne tinrent nul coproy. Si en y eut morts sur les champs,

que par haies, que par buissons, ainsi qu'ils

fuyoient, plus de sept mille ; et si il eût fait clair, il n’en eût jà pied échappé. Assez tôt après, en une autre route, furent rencontrés de ces Anglois l'archevèque de Rouen et le grand prieur de France, qui rien ne savoient aussi de la déconfiture, et avoient entendu que le roi ne se combattroit jusques à ce dimanche ; et cuidèrent des Anglois que ce fussent leurs gens : si s'adressèrent devers eux, et tantôt les Anglois les envahirent et assaillirent de grand'volonté. Et là eut de rechef grand'hbataille et dure, car ces deux seigneurs étoient pourvus de bonnes gens d'armes; mais ils ne purent durer longuement aux Angjlois, ainçois furent tantôt déconfits et presque tous morts. Peu se sauvèrent; et y furent morts les deux chefs ! qui les menoient , ni oncques il n’y eut pris homme à rançon.

Ainsi chevauchèrent cette matinée ces Anglois, quérans aventures : si trouvèrent et ren-

1 Ï1 faut sans doute entendre ceci des chefs subordonnés à l'archevêque et au grand prieur ; car il est certain que Nicolas Roger, qui occupait alors le siége de Rouen, mourut à Avignon en 1347. On n’a pas la même certitude sur ce qui concerne le grand-prieur de France: on ignore même le nom de celui qui l'était alors.

contrèrent plusieurs François qui s'étoient fourvoyés le samedi, et qui avoient cette nuit geu sur les champs, et qui ne savoient nulles nouvelles de leur roi ni de leurs conduiseurs : si entrèrent en pauvre étreine pour eux, quandils se trouvèrent entre les Anglois; car ils n’en avoient nulle mercy et mettoient tout à l'épée !. Et me

1 Michel de Northburgh fait plus d'honneur à l’humanité du roi d'Angleterre. Suivant lui, les comtes de Northampton, de Norfolk et de Warwick, qui commandaient le corps envoyé à la recherche des Francais, firent sur eux un grand nombre de prisonniers. Voici sa lettre que nous a conservée Robert d’Avesbury.

« Salutz. Voilletz savoir qe notre seigneur le roi vient à la ville de Poissy la veille de l’Assumpcion Notre-Dame, et illesges estoit un pount oultre l’eawe de Seane qe fust débrusé: meas le demurra illeosges tange le pount feust refait. Et en refesaunce du pount viendrent gentz d'armet à graunt nombre od les comunes du païis et de Amyas bien armez. Et le counte de Northampton et sez gentz issirent sour eaux issint qe fusrent mortz pluis que D de nos enemys, la mercye Dieux, et les aultres fusrent as chivalx. Et aultre foitz noz gentz passèrent l'eawe et tuèrent graunt plenté des comunes de Fraunce et de la ville de Parys et aultre du païs bien armez de l’ost du roi de Fraunce issint qe noz gentz ount faitz aultre pountz et bones, la mercy Dieux, sour noz enemys saunz pierte ou graunt damage de noz gentz. Et lendemayn de l’Assumpcion Notre-Dame notre seigneur le roi passa la eawe de Seane et soy remua devers Poys q'est forte ville et enclose de mures et chastiel très fort dedein et fust tenu des enemys. Et quaunt l’avaunt garde et la secundegarde fusrent passés la ville, l’ariere garde fist assaut à la ville et la prist, et fusrent mortz illeosges pluisque CCC hommes d'armes de nos enemys. Et l’autre jour en suaunt le comte de Suthfolc et sire Hughe le Denspenser isserount sour les comunes du païs qi fusrent assemblez et bien armez et les desconfiterount et occirount CC et pluis et pristerent pluisge LX prisoniers de gentilz hommes. Et puis se treia vers Grauntvillers; et come illesqes fusrent herbergez l’avaunt garde fust escrié des gentz d'armes de la maison le roy du Beaume. Et noz gents issirent has timent et jousterent de guerre ovesqge eaux, et fusrent noz gentz abatuz à terre; mais, mercy soit Dieux, Mounseigneur de Northarmpton issit et rescua les chivalers et les autres gentz issint qe nul de eaux fust pris ne mortz forsge Thomas Talbot, et enchacea les enemys tanqe à 11 leages d'Amyas, et prist de eaux VIII hommes d’armes et tua XIL: et le remenaunt fusrent bien à chivalx et s'enfuirent à Amyas. Et puis le roy d'Engieterre, qe Dieux sauve, se treia devers Pountif le jour de seint Bartheu et vient à la eawe de Summe qe vient de la meare

du Abevyle en Pountif. Et le roy de Fraunce avoit ordei-

gné D hommes d'armes et 11] mil des comunes armés d'avoir gardé le passage ; et mercy soit Dieux, le roi d'Engleterre et son ost pristrent cele eawe de Somme où unges homme ne passa avaunt, sauntz perir nuldesgentz, et combaterount od lour enemys et tuerount pluisge mil gentz d'armés et le remenant enchacerent droit à la porte d’Abbevyle et pristrent des chivalers et esquiers à

fut dit que de communautés et de gens de pied des cités et des bonnes villes de France, il y en y eut mort, ce dimanche au matin, plus quatre fois que le samedi que la grosse bataille fut.

Page 1