CHAPITRE XLI

Cominent messire Jacques d’Audelée en fut mené de la bataille mou navré; et comment messire Jean Chandos ennorte

le prince de chevaucher avant.

On ne vous peut mie de tous parler, dire ni recorder : « Cil fit bien et cil fit mieux ; » car trop y faudroit de paroles : non pourquant d'armes on nese doit mielégèrement départir ni passer ; mais il y eut là moult de bons chevaliers et écuyers d'un côté et d'autre, et bien le montrèrent : car ceux qui y furent morts et pris de la partie du roi de France ne daignèrent oncques fuir ,) Mais demeurèrent vaillamment de-lez leur seigneur, et hardiment se combattirent.

D'autre part, on vit chevaliers d'Angleterre et deGascogne eux aventurer si très hardiment, et si ordonnément chevaucher et requérir leurs ennemis que merveilles seroit à penser , et leurs corps au combattre abandonner: et ne l'eurent mie davantage; mais Jeur convint moult de peines endurer et souffrir ainçois qu’ils pussent en la bataille du roi entrer. LA étoient de-lez le prince et à son frein messire Jean Chandos, messire Pierre d’Audelée, frère de messire Jacques d’Audelée, de qui nous avons parlé ci-dessus, qui fut des premiers assaillans, ainsi qu'il avoit voué, et lequel avoit jà tant fait d'armes, parmi l'aide de ses quatre écuyers, que on le doit bien tenir et recommander pour preux ; car il toudis, comme bon che- Yalier, étoit entré au plus fort des batailles et combattu si vaillamment que il y fut durement navré au corps, au chef et au visages et tant que haleine et force lui purent durer, il se corabattit et alla toujours devant, et tant que il fut moult essaigié. Adonc sur la fin de la bataille le prirent les quatre écuyers qui le gardoient et l'amenèrent moult foiblement et fort navré au dehors des batailles, de-lez une haye, pour lui un petit refroidir et éventer; et le désarmèrent le plus doucement qu'ils purent, et entendirent à ses plaies bander et lier et recoudre les plus périlleuses. -

Or reviendrons au prince de Galles qui che- Yauchoit avant, en combattant et occiant ses ennemis ; de-lez lui messire Jean Chandos par lequel conseil il ouvra et persévéra la journée ; et le gentil chevalier s’en acquitta si loyaument que oncques il n’entendit ce jour à prendre

prisonnier; mais disoit en outre au prince :

aSire, chevauchez avant, Dieu est en votre main, la journée est vôtre. » Le prince qui tendoit à toute perfection d'honneur, chevauchoit avant , Sa bannière devant lui, et réconfortoit ses gens là où il les véoit ouvrir et branler »ety fut très bon chevalier.