LIVRE IL

faire ce que nous voudrons. » Le chevalicr s'excusa moult bellement, et remontra plusieurs raisons d’excusances si elles pussent valoir; mais nenni; car on lui dit : «Messire Jean, messire Jean, si vous ne faites ce que nous voulons, vous êtes mort.» Le chevalier voyoit ce peuple tout forcenné et appareillé de lui occire. Si douta la mort et obéit à eux et se mit, outre son gré, en leur route.

Tout en telle manière avoient fait ceux des autres contrées d'Angleterre, d'Excestre, de Sousexes, de Kent, de Stanfort , de Beteford et de l'évèché de Norduich jusques à Gernemine et jusques à Line , et mis les chevaliers et les gentilshommes en leur obéissance, et tels que le seigneur de Moylays, un grand baron, messire Étienne de Halles et messire Thomas de Ghisinguem ! ; et les faisoient venir avec eux. Or regardez la grand'derverie. Si ils fussent venus à leur entente, ils eussent détruit tous les nobles d'Angleterre; et après, en autres nations, tous menus peuples se fussent rebellés? ; et prenoient pied et exemple à ceux de Gand et de Flandre qui se rebelloient contre leur seigneur. Et en celle propre année les Parisiens le firent aussi, et se mistrent à faire les maillets 3 de fer, dont ils firent plus de vingt mille, si comme je vous recorderai quand Je serai venu jusques à là; mais nous poursuivrons à parler premièrement de ceux d'Angieterre et des marches dessus dites.