LIVRE IL

lez son oncle et sa belle ante, plus d’un mois sans partir, ni bouger, ni se osoit. Je vous dirai raison pourquoi : elle fut signifiée, et son conseil, que il yavoit douze vaisseaux armés ou environ, pleins de Normands sur la mer qui vaucroient entre Calais et la Hollande, et pilloient et déroboient sur la mer tout ce que ils pouvoient trouver; et u'avoient cure sur qui. Et alloit et couroit renommée, sur les bondes de celle mer de Flandre et de Zélande, que ils se tenoient là en attendant la venue de la jeune dame, et que le roi de France et son conseil vouloient faire ravir la dame pour briser ce mariage, car ils se doutoient grandement des alliances des Allemands et des Anglois. Et disoiton encore avant, quand on parloit, que ce n'étoit pas honorable chose de prendre, ni de ravir dames en guerres de seigneurs, en colorant ct en faisant la querelle du roi de France plus belle. Comment ne vites-vous pas que le prince de Galles, père à ce roi d'Angleterre, il fit ravir et consentir le fait de madame de Bourbonnois, mère à la roine de France, qui fut prise et emblée des gens du pritice , et tout de celle guerre, dedans le chastel de Belle-Perche; si n'ayst Dieu, si fut, et menée en Guyenne et rançonnée : aussi par pareille chose, si les François preuoient, pour eux contrevenger, la mouiller du roi d'Angleterre, ils ne feroient à nullui tort.

Pour les doutes et pour les apparences que on véoit, se tint la dame et toute sa route à Bruxelles un mois tout entier; et tant que le duc de Brabant, son oncle, envoya en France son conseil, le seigneur de Rosselare et le seigneur de Bouqueshort, pour remontrer ces choses au roi de France et à ses oncles, lesquels étoient aussi neveux au duc de Brabant et enfans de sa sœur. Ces chevaliers de Brabant exploitèrent tant, et si bellement parlèrent au roi de France et à son conseil , que grâce lui fut faite et bon sauf-conduit donné de passer où il lui plairoit, elle et les siens, fût parmi le royaume de France ou sur les frontières en allant jusqu'à Calais; et furent les Normands qui se tenoient sur mer remandés. Tout ce rapporttrent les chevaliers dessus dits en Brabant au duc et à la duchesse; et leur escripsoit le roi et ses oncles que, à leur prière et contemplation et non d'autrui, ils faisoient celle grâce à leur cousine de Behaigne.

Ces nouvelles plurent grandement au duc de

Brabant et à la duchesse et à tous ceux qui passer la mer vouloient. Si se ordonnèrent et départirent de Bruxclles; et prit la dame congé à son oncle et à sa belle ante, et aux dames et damoiselles du pays qui accompagnée l'avoient. Et si la fit le duc convoyer à bien cent lances; et passèrent tout parmi Gand et y reposèrent un jour. Et firent les Gautois ce qu'ils porent d'honneur à la dame; et vint de là à Bruges. Et la reçut le comte de Flandre moult bellement ; et s'y rafreschirent trois jours, et puis passèrent outre et chevauchèrent tant qu'ils vinrent à Gravelines. Entre Gravelines et Calais étoient les comtes de Sallebery et de Devensière, à cinq cens lances et autant de archers, qui là l'attendoient : si l'emmenèrent à Calais. Adonce retournèrent les Brapançons quand ils l'eurent délivrée aux barüns d'Angleterre dessus nommés.