LIVRE IE

moiselles ; et vinrent à Bourges en Berry, où le duc et la duchesse étoient qui là les attendoient et qui là très puissamment les recueillirent, conjouirent et fêtèrent, et toute leur compagnie. Si furent là confirmées toutes les convenances des flançailles, et les fiança l'archevêque de Bourges ; et là ot grand’foison de seigneurs. Et n'épousèrent pas lors ; car le fils et la fille étoïent pour lors moult jeuries; mais les convemances du persévérer avant au mariage furent prises , présens plusieurs hauts barons et chevaliers ; et y ot à ces fiançailles grands fêtes de dîners et de soupers, de danses et de caroles; et puis s'en retournèrent Île comte et la comtesse de Blois et leur fils arrière en la comté de Blois, et là se tinrent ; et la fille demeura de-lez sa dame de mére en Berry en un très bel chastel de-lez Bourges, que on dit Meun sur Yévre!.

En ce temps se partit le duc de Berry pour aller en Auvergne et en Languedoc et jusques à Avignon, voir le pape Clément ?. Et étoit ordonné en devant que le duc de Bourbon et le comte de la Marche, atout deux mille hommes d'armes, s'eniroient en Limousin et délivreroient le pays des Anglois et des pillards 1arrons qui pilloient et roboient le pays; car en Poitou avoit encore aucuns forts chastels, et en Xaïntonge , que ils tenoient ; et y faisoient moult de dommages; dont les plaintes en étoient venues au duc de Berry, lequel duc y vauloit remédier. Et avoit prié le duc de Bourbon , son cousin, par espécial, que la garnison de Breteuil, lui venu en Xaintonge et en Limousin, il ne déportat nullement que elle ne fût conquise ; car c'était le fort qui plus donnoit à faire et à souffrir au pays. Et le duc de Bourbon lui eut en convenant que ainsi feroit-iL Si avoit fait son mandement

{à Moulins en Bourbonnois, à là ètre le premier

jour de juin, et là se trairoient sur le pays en allant vers Limoges toutes manières de gens d'armes. Et avoit pour le temps le duc de Bour. : bon de-lez lui un écuyer, gentilhomme gracieux et vaillant homme d'armes durement , qui s'appeloit Jean Bonne-Lance, maître et capitaine de. ces gens d'armes; et certes l'écuyer valoit bien

1 Le château de Mehun était situé à quatre lieues de. Bourges sur là route d'Orléans ; il est aujourd'hui en, ruines.

4 Suivant le moine anonyme de Saint-Denis, ce voyage ac fit en 1384.

que il le fût. Si faisoit le comte de la Marche, qui devoit être en celle chevauchée et en la compagnie au duc de Bourbon, son mandement en la cité de Tours.

En celle saison s'en vinrent à l'Escluse en Flandre toutes gens d'armes qui étoient escripts, ordonnés et passés ès montres pour aller outre en Éscosse, en la compagnie de messire Jean de Vienne, amiral de France; et devoit mener mille lances, chevaliers et écuyers; et crois bien que tous y furent, car ils y alloient de si très grand’volonté, que tel nétoit mie prié ni mandé, qui, pour son avancement, se mettoit en la route de l'amiral et au voyage. Et étoit toute la navire appareillée à l’Escluse, et les pourvéances toutes faites belles et grandes ! ; et emportoient et faisoient emporter les seigneurs la garnison pour armer douze cens hommes d'armes de pied en cap; et avoit-on pris ce harnois d'armes au chastel de Beauté de-lez Paris ; ét avoient été les armures de ceux de Paris, lesquelles, et encore grand’foison, on leur avoit fait porter au dit chastel. ”

En la compagnie de l'amiral avoit grand'foison de bonnes gens d'armes, toute fleur de chevalerie et d’escuierie ; et étoit l'intention du connétable de France ét de ceux qui en ce voyage alloient, pour ce que ceux qui en l’année devant y avoient été, messire Geoffroy de Chargny et les autres, avoient dit au roi et à son conseil que en Escosse on étoit povrement et petitement armé de bon harnois, ces armures que faisoient emporter avecques eux ces seigneurs , ils les délivreroient aux chevaliers et écuyers du royaume d'Escosse pour mieux faire la besogne.

Or je vous nommerai une partie des seigneurs de France qui allèrent en celle saison en Escosse. Premièrement messire Jean de Vienne, amiral de France, le comte de Grant-Pré, le seigneur de Vodenay, le seigneur de Sainte-Croix , le seigneur de Montbury, messire Geoffroy de Chargay, messire Guillaume et messire Jacques de Vienne, te seigneur d’'Espaigny, messire Gérart de Bourbonne, le seigneur de Héez, messire

Florimont d'Ausy, le seigneur de Moreuil, mes-

4 Le moine anonyme de Saint-Denis dit que pour subvenir aux frais de cette expédition, Charies V1 décrédita toutes les monnaies de ses prédécesseurs ; maïs que cette mesure, si funeste au peuple, ne procura de profit qu'aux

Kourtisans, par les mains desquels passaient ces monnaics.

sire Walleran de Raineval , leseigneur de Beau-

Sault, le seigneur de Waurin, le seigneur de Rivery, le baron d'Yvry, le seigneur de Coursy,

messire Perceval d’Aineval, le seigneur de Fer-

rières, le seigneur de Fontaines, messire Brac-

que de Bracquemont, le seigneur de Grant-

Court, le seigneur de Landon, Breton, messire Guy la Personne, messire Guillaume de Corroy,

le seigneur de Hangest, messire Charles de

Hangiers , messire Werry de Winsellin, cousin

du haut maitre de Prusse, et plusieurs autres bons chevaliers que je ne puis mie nommer tous: et tant que ils furent mille lances , chevaliers et écuyers, sans les arbalètriers etles gros varlets Et orent bon vent et beau voyage de mer, car le. temps étoit moult beau, si comme au mois de mai ?. Et étoient les trèves faillies entre France et Angleterre, et les Gantois et les Flamands de toutes les parties; car de toutes parts, si comme ils le montroient, ils désiroient la guerre.

Et très liement ces chevaliers et écuyers s'en alloient en Escosse; et disoient que avecques l'aide et confort des Escots ils auroient une bonne saison et feroient un grand exploit d’armes sur leurs ennemis en Angleterre. Et sachez que les Anglois qui étoient informés de ce voyage s'en dvutoient grandement, .