CHAPITRE

Comment ceulx de Bruges furent cause de commenchenent des gucrres de Flandres.

I est vray que la ville de Bruges n'est point bien aisée ne servie de doulches eaues, et que ils en ont grand dangier. Si ont-ils eu anchiennement propos, de la rivière de la Lys qui leur marchist assez près, que ils en atrairoient en leur ville une partie, tant que leur eaue, qu'ils appellent la Roe, en seroit rafreschie, et de quoy Bruges en vauldroit grandement mieulx.

Et en ont eus traictiés et parlement par pluiseurs fois à ceulx de Gand, une foys par amour et par doulceur, l’autre fois le voulloir prendre par poissance et par rigucur. Et tant que ils y ont par plusieurs fois fouy ; et ceulx de Gand leur sont allés an devant et défendu leur ouvraige. Et tant que de la dicte rivière , il n'ont eu nulle aise ; car ceulx de Gand dient que, sans ayde et constraïincte, la rivière les sert et administre, et que elle ne puelt faire à ceulx de Bruges; et a son cours ainsi que Dieu l'a ordonné ; et que point de commenchement , à la création de leur ville, ils ne l’envoyèrent ne tranchier ne querre; mais sur le cours de la rivière de la Lys, de l'Escault et la Liève, les anchiens fondèrent la ville de Gand , et le vouldrent tenir en cest état en son cours naturel et sans violence ; et que si la ville de Bruges n'est pas bien fournie de doulces eaues, ils quièrent art et enghien par dessous terre comment ils le soient, sans à eulx tollir ce que Dieu leur a envoyé de sa grâce et par ordonrance du monde; et que ceste querelle ils ont tenu et deffendu, tendront et deffenderont tant que durer pourront et que il y aura pierre en estant en la ville de Gand; ne jà de ce propos ne partiront pour chose qui leur doive advenir.

En ce temps estoient en Flandres ly contes et le pays en leurs fleurs ; et ne doubtoient ne admiroient poissance de nul seigneur terrien, car ils estoicnt si garnis et si racmplis d'or et

d'argent, de richesses et de tous biens, que merveilles scroit à recorder. Et tenaient les riches hommes, ens ès bonnes villes et ailleurs, et plusieurs autres en desoubs, si graus estas de eulx et de leurs femmes, qu’il sembloit propre: ment que les richesses leur abondassent du chiel, et queilsles trouvassent sans soing et sans peine. Dont, pour les grans superfluités qu'ils en firent, Dieu se couroucha et leur remonstra, car ils furent battus de cruelles vergues. Et pourront dire ceulx qui ceste matière liront ou lyre orront, que Dieu eonsenty tout pour eulx exempler, et ce puelt-on bien supposer. Ainsi fut et advint en Flandres à ce temps, comme vous pourrez clèrement veoir et coguoistre par les traictiés de l'ordonnance de la matière qui cyaprès s'ensieult.