LIVRE IL

vent les compagnons qui désiroient les armes et leurs corps à avancer, escarmoucher aux barrières. Si y en avoit du trait des blessés et des navrés, ainsi que en tels aventures les faits d'armes adviennent.

Au chef de six jours que le siége fût mis devant Bergerac, vinrent en l'ost du duc, en grand arroy et bien accompagnés de gens d'armes et

de brigands !, le sire de la Breth et messire ”

Bertiard de la Breth son cousin. Si y furent reçus à grand'joie, car l'ost en fut grandement renforcé. Au huitième jour du siége furent le dnc d'Anjou et les capitaines en conseil comment on pourroit le plus tôt et le plus apertement gréver ceux de Bergerac. Si y eut là plusieurs paroles dites et devisées, et furent sur un état longucment que de assaillir la ville 2; et puis eurent nouvel conseil, que l'assaut leur pourroit trop blesser de leurs hommes, à petit de conquèt. Et se départit cil conseil sans avoir nul certain arrèt, fors que de tenir le siége ; car encore attendoit-on grands gens d'armes qui venoient de France, et par espécial le seigneur de Coucy.