CHAPITRE XCVII

Comment le duc de Berry fit assiéger la foricresse de Ventadour.

Vous avez ci-dessus oui recorder comment les traités se faisoient du comte d'Ermignac et du Dauphin d'Auvergne, aux capitaines des garnisons d'Auvergne, de Gévaudan, de Limosin et des environs, lesquels étoient contraires et ennemis à tous leurs voisins. Plusieurs s'y inclinoient, et se vouloient hien partir, car il leur sembloit qu'ils avoient assez guerroyé et travaillé le royaume de France; si vouloient aller d'autre part piller; car le comte d'Ermignac leur promettoit qu'il les mèneroit en Lombardie; et le comte de Foix, qui n'est mie léger à décevoir, pensoit tout le contraire. Tout quoy se taisoit, pour voir la fin de celle besogne; et enquéroit soigneusement à ceux qui taillés en étoient de savoir comment les traités se portoient, et quelle part ces gens d'armes se trairoient, quand de leurs forts départis seroient. Ils lui dirent la commune renommée qui couroit; et il baissoit la tête ou il la hochoit, et disoit : « Nenny, tous les jours viennent nouvelles subtilles entre gens d'armes. Le comte d'Ermignac et Bernard son frère, sont jeunes; et bien sais qu’ils ne m'ont pas trop en grâce, ni mon pays aussi. Si pourroient ces gens d'armes retourner sur moi; et pour ce me vueil-je pourvoir à l'encontre d'eux, et tant faire que je n'y aie ni blâme ni dommage, car c'est possession de lointaine provision, » |

Ainsi disoit le comte de Foix : et véritablement il n’avoit pas folle imagination, si comme les apparences en furent une fois et que vous orrez recorder, si je puis traiter ni venir jusques à là, |

Encore avez-vous bien oui conter de Geoffroy Tète-Noire, Bretan, qui tenoit, et avoit tenu long-temps la garnison et fort chastel de Ventadour en Limousin, et sur les handes d'Auvergne et de Bourbonnois. CeGeoffroy ne s'en fût jainais parti, pour nul avoir; car il tenoit ledit chastel de Ventadour comme son bon héritage ; et avoit mis tout le pays d'environ à certains pactis ; et, parmi tous ces pactis, toutes gens labouroient en paix dessous lui et demeuruient. Et tenoit là état de seigneur ; mais trop cruel étoit et tron périlleux quand il se courroucoit , car il ne fai-

soit compte d'occire un homme, non plus comme une bête. Or devez-vous savoir, pour approcher les besognes, que, quand les nouvelles vinrent premièrement en Auvergne et en Limousin pour celle taille lever et recueillir, commune renommée couroit que ceux de Ventadour se départiroient de leur fort, et rendroient la garnison au duc de Berry; et en seroit le pays quitte et délivré. Pour ces nouvelles s'accordèrent toutes gens à la taille; et payoient moult volontiers. Quand les bonnes gens virent le contraire, et que ceux qui le plus soigneusement couroient sur le pays étoient ceux de Ventadour, si furent tous déconfits; et tinrent leur argent de la première cueillette à perdu: et dirent que jamais ne payeroient croix, ni maille, ni denier, si ceux de Ventadour n'étoient tellement contraints, qu'ils ne pussent issir hors de leur fort.

Les nouvelles en vinrent au duc de Berry, qui étoit souverain regard, ct avoit tout le pays d'Auvergne, de Rouergue, de Quersin, de Gevaudan ct de Limusin en garde. Si pensa sus un petit, et dit que les bonnes gens avoient grand droit de cela dire et faire, et que voirement on s’acquittoit petitement quand on n'y mettoit tel siége qu'ils ne pussent issir hors de leur fort. Adoncques furent ordonnés, de par le duc de Berry, et aux coustages du pays la greigneur partie, quatre cens lances de bonnes gens d'armes, pour assiéger Ventadour, par bastides ; desquels gens d'armes on fit souverains capitaines messire Guillaume de Lignac et messire Jean Bonne-Lance, un gracieux et vaillant chevalier de Bourbonnois. Or s'en vinrent ces chevaliers et seigneurs, et ces gens d'armes, met.re le siège au plus près qu'ils purent de- Ventadour. Et mirent bastides en quatre iieux; et firent faire, par les hommes du pays, grands tranchis et roullis sur les détroits par où ils avoicnt usage de passer et de repasser ; et leur furent faites moult d'estraintes. Mais Geoffroy Tète-Noire n’en faisoit que peu de compte, car il sentoit la garnison pourvue de toutes choses, et ne leur venist-il rien de nouvel pour eux rafreschir, de sept ans ! ; et si siéd le chastel en si fort lieu , et sur telle roche, que assaut qu'on lui peut faire ne lui peut porter nul dommage. Et, nonobstant ces siéges et ces bastides, si is-

1 C'est-à-dire , lors même que de sept ans ils ne pourraient avoir aucune nouvelle provision.