CHAPITRE LXXXIX

Comment ceux de la ville d’Yppre se rendirent au comte Louis leur signeur, el comment plenté de peuple fut décoké à Yppre.

Quand ils eurent ainsi par leur embûche rués jus les Gantois et bien morts trois mille ou environ, que de ceux de Gand que de ceux deYppre, le comte eut conseil que il se trairoit devant la ville de Yppre, et y mettroit le siége. Si comme il fut conseillé il fut fait ; et se trait le comte celle part à tous ses gens et belle coinpagnie de chevaliers et écuyers de Flandre, de Hainaut et d'Artois, qui l'étuient venu servir. Quand ceux de Yppre entendirent que le comte leur sire venoit là si efforcément, si furent tous effrayés; et orent conseil, les riches hommes et les notables de la ville, que ils ouvriroient leurs portes et s'en iroient devers le comte, et se mettroient du tout en son ordonnance, et lui crieroient merci, car bien savoit que de ce que ils étoient et avoient été Gantois, ce avoit été par force et par le commun, si comme foulons et tisserands et tels méchans gens de la ville : si sentvient bien le comte si noble et si pitable que il les prendroit à merci. Si comine ils or-