LIVRE IL

Tout en telle manière que les Anglois se demenoient en Escosse se demenoient les François et les Escots en Angleterre en la marche de Northonbrelande et de Galles; ct ardirent et exillièrent un grand pays au département de Northonbrelande en entrant en Galles, que on dit Wesmelant !. Et passèrent parmi la terre du baron Graiscop et du baron de Clifford ; et ardirent én cette marche-là en cheminant plusieurs gros villages où nul homme de guerre n’avoit oncques mais été, car le pays étoit tout vuis de gens d'armes ; car tous étoient en la chevauchée du roi, si ne leur alloit nul au devant. Et firent tant qu'ils vinrent devant la cité de Carlion en Galles, laquelle étoit bien fermée de portes, de wurs, de tours et de bons fossés; car jadis le roi Arlus ? y séjournoit plus volontiers que ailleurs, pour les beaux bois qui y sont environ, et pour ce que les grands merveilles d'armes y avenoient.

En la cité de Carlion étoient en garnison messire Louis Clifford frère au seigneur, messire Guillaume de Neufville, messire Thomas Mousegrave et son fils, David Houlegrave, messire d'Angousse et plusieurs autres qui étoient des marches et frontières de Galles, car la cité de Carlion en est la clef. Et bien leur besogna qu'il y eût gens d'armes pour la garder; car quand l'amiral de France et ses gens furent venus devant, il la fit assaillir par grand'ordonnance, et y ot assaut dur ei fier; et aussi ils étoient gens dedans de grand'défense ; et Là furent faites devant Carlion plusieurs grands apperlises d'armes.