CHAPITRE CCXXX VIII

Comment l'amiral de France et toute sa route furent durement traités en Escosse; et à quel meschef il retournèrent en France et racontèrent au roi la condition et puissance d’Escosse et tout ce qu'il leur en sembloit.

Ainsi se portérent en celle saison ces besognes, et se dérompit celle ehevauchée; et s’en retournèrent le roi d'Angleterre et les barons arrière, tout le chemin que ils étoient venus, en Angleterre. Mais ils avoient détruit la greigneur partie du royaume d'Escosse. Ces nouvelles vinrent à l'amiral de France et aux François. et aussi aux barons d'Éscosse , que les Anglois s'en retournoient et s’en r’alloient en leur pays : si eurent entreeux conseil comment ilsse maintiendroient. Conseillé fut et arrêté que ils s'en retourneroient ; car ponrvéances leur commençoient à faillir, et si se trouvoient en povre pays ; car ils avoient tout détruit la marche de Carlion et la terre du baron de Cliffort et du seigneur de Moutbray et l'évêché de Carlion; mais la cité ne purent-ils avoir, Et disoient les François entre eux, que ilsavoient ars en l'évêché de Durem et en l’évêché de Carlion telles quatre villes qui mieux valoient que toutes les villes du royaume d’Escosse ne faisoient. Si retournérent en leur pays les Escots, et les François aucques, le chemin qu'ils avoient fait; et quand ils retournèrent en la douce Escosse, ils trouvèrent tout le pays détruit; mais les gens du pays n'en faisoient nul compte, et disoient que sur six ou huit estançons ils auroient fait tantôt nouvelles maisons. De bètes pour vivres trouvoient-ils assez; car les Escots les avoient sauvées ens ès hautes forèts. Mais sachez que tout ce que les François prenoient , il leur convenoit payer et acheter bien cher; et furent, telle fois fut, en grand'aventure les François et les Escots de eux mèler, par riote et débat avoir l’un à l'autre. Et disoient les Escots que les François leur avoient plus porté de dommage que les Anglois. Et quand on leur demandoit en quoi, ils répondoient : « En ce que, en chevauchant parmi notre pays, ils ont foulé et abattu les blés, les orges et les avoines, et qu'ils ne daignoient chevaucher les cheinins. » Desquels dommages ils vouloienteavoir recouvriet ainçois que ils partissent d'Escosse ; et que ils ne trouveroient vaissel ni maronnier. outre leur volonté, qui les mit outre la mer. Et plusieurs chevaliers et écuyers se plaignoient des