CHAPITRE XIX

Ci parie d’une moult merveilleuse ct piteuse bataille qui fut à Juberot entre le roi de Castille et le roi de Portingal.

Endementres que le roi se tenoit et séjournoit à Saint-Yrain, vinrent les Gascons de Béarn à belle compagnie de gens d'armes. Messire Regnault Limousin chevaucha à l'encontre d’eux et les recueillit doucement et grandement, ainsi que bien faire le savoit; et mena les capitaines devers le roi qui ot très grand'joie de leur venue, et commanda à messire Regnault qu’ils fussent bien logés et à leur aise, car il le vouloit. Il le fit tel que ils s'en contentèrent. Ainsi se portérent les besognes; et se tint le roi à Saint-Yrain et toutes ses gens là environ. Et tenoit bien lors sur les champs le roi Jean de Castille quatre mille hommes d'armes et trente mille d’autres gens. Si appela une fois les barons de France pour avoir conseil à eux comment il se pourroit maintenir en celle guerre, car il avoit sis longuement et à grands frais devant Lussebonne et si n'y avoit rien fait; et crois bien que si les Gascons ne fussent À venus, qui rafreschirent le roi de courage et de volonté, il se fût parti de Saint -Yrain et retrait vers Burges ou en Galice, car ses gens s'enpuyoient de tant être sur les champs.

Quand ces chevaliers de France et de Béarn furent venus devant le roi, il parla et dit:

«Beaux seigneurs, vous êtes tous gens de fait et usagers et appris de guerre, si vueil: avoir conseil et collation avecques vous, comment je me pourrai maintenir contre ces Lussebonnois et Portingalois : ils m'ont tenu aux champs jà bien un an, et si n’ai rien exploité sur eux. Je