CHAPITRE XXXVIL

Comment François Acreman fut occis d'un bätard fils au sire de Harselles, un peu après ce que la paix fut faite entre le

duc de Bourgogne et cœux de Gand, et des grands pourvéances qui se faisoient en Flandre pour le roi.

D'autre part on disoit en plusieurs lieux en France, en Hainaut et en Picardie, que celle armée, qui se faisoit en Flandre, n'étoit point pour aller en Angleterre ni devant Calais; mais retourneroit toute, quand on auroit tout fait, devant Gand. Et fut telle fois, si comme je fus, adoncques informé, que ceux de Gand s’en doutérent moult fort ; mais ils avoient tort si ils s'en doutoient ; car le duc de Bourgogne leur sire ne leur vouloit que tout bien et bonne paix, quoique François Acreman fut occis assez tôt après la paix faite à Tournay où il rendit grand'peine, mais de sa mort ce ne fut pas la coulpe du duc de Bourgogne, ni il n'avoit nulle haine sur lui, quoique François, la guerre durant entre le duc et ceux de Gand, eût fait pour ceux de sa partie grand'foison d'appertises d'armes, sicomme elles sont justement contenueset escriptes ci-dessus en celle histoire. Et si François vint à povre fin ce fut sa coulpe ; car si il eût cru Piètre du Bois, il n'eût eu nul encombrer ; car Piètre du Bois lui dit bien, quand la paix fut faite de monseigneur de Bourgogne à ceux de Gand, et Piètre s’ordonnoit d'aller en Angleterre, ainsi qu'il fit, avecques messireJean de Boursier, et il lui demanda et dit: « François, que ditesvous ? En venrez-vous en Angleterre avecques nous, il est heure venue ? » — « Nenuil, répondit François Acreman , en Angleterre n'irai-