LIVRE III

grands seigneurs s’en doutoient, les prélats, les abbés et lés bonnes villes; mais les communautés et les povres compagnons qui se vouloient aventurer n’en faisoient compte : aussi ne faisoient povres chevaliers et écuyers qui désiroient les armes et à gagner ou tout perdre ; et disoient l'un à l’autre : « Dieu! comme il nous appert une bonne saison. Puisque le roi de France veut venir par deçà, c'est un vaillant roi et de grand'emprise. Il n’y ot, passé a trois cents ans, roi en France de si grand courage ni qui le vaulsist. Il fera ses gens bons hommes d'armes, et ses gens feront vaillant roi; benoit soit-il quand il nous veut venir voir. À ce coup seronsnous tous morts ou tous riches, nous n'en pouvons attendre autre chose. »