LIVRE IL

jours venir à ses ententes ; et les greigneurs capitaines qu'il attrairoit le plus volontiers à lui, ce sont Perrot le Béarnois qui tenoit le fort chastel de Caluset et qui étoit le souverain en Auvergné et en Lymosin de tous les autres, car ses pactis duroient jusques à la Rochelle. Les autres ce sont : Guillonnet de Sainte-Foy qui tenoit Bouterville, et aussi Aimerigot Marcel qui tenoit Aloyse. de-lez Saint-Flour en Auvergne, et le Bourg de Compane et le Bourg Anglois qui tenoient Carlat. Assez tôt aurvit-il Aimerigot Marcel, comme il disoit, mais qu'il pôt avoir Perrot le Béarnois. Geoffroy Tête-Noire, qui tenoit Ventadour et qui étoit encore souverain de tous les autres, ne se faisoit que gaber et truffer, et ne daignoit entendre à nul traité du comte d'Ermignac, ni d'autrui aussi , car il sentoit son chastel fort et imprenable, et pourvu pour sept ou pour huit ans de bonnes garnisons : et si n'étoit pas en puissance de seigneur, qu’on teur pût clorre un pas ou deux, en issant lors de leur fort, quand ils vouloient, pour eux rafreschir. Et mettoit en ses lettres Geoffroy Tète- Noire, et en ses saufs conduits et lettres de pactis : Geoffroy Tète-Noire, duc de Ventadour, comte de Limousin, sire et souverain de tous les capitaines d'Auvergne, de Rouergue et de Limousin. »

Nous nous svuffrirons à parler de ces besognes lointaines, tant que aurons cause d'y retourner. Si nous rafreschirons des besognes prochaines, tant qu'à ma nation, si comme il est contenu en le procès du premier feuillet du tiers livre qui se reprend à la fin de la guerre de Flandre, et de la charte de la paix que le duc de Bourgogne et la duchesse donnèrent , accordérent et scellèrent à ceux deGand , en la bonne ville et noble cité de Tournay, et entrerons en nos traités, pour renforcer notre matitre et histoire de Guerles et de Brabant. Et m'en suis ensoigné et réveillé de ce faire, pour la cause de ce que le roi de France et le duc de Bourgogne, auxquels fl en toucha grandement par les incidences qui s’y engendrèrent, mirent la main à celle guerre : et, pour venir au fond de la vraie histoire et matière, et le contenir au long, je dirai ainsi. |