CHAPITRE XV

Quant le bon conte eut oy son frère ct le grant désir qu'il eut de ceste besongne, qui À grant honneur lui povoit tourner, lui et ses hoirs à tous jours, si lui dist : «Beaufrère, jà ne plaise à Dicu que jamais vostre bon pourpos vous desconseille! Si vous donne le congié ou nom de Dieu.» Et le baisa moult tenrement plourant, en estraindant la main en signe dé grant amour. Ainsi se party lebon chevalier, et s'en vint gésir à Mons en Haynnau, et la roynne aussi. Etque vousalongeroie-je la matère? ilfirent tant par leurs journées qu'il vindrent à Dourdrech où li espécial commandemens estoit fais; et l4 endroit se pourveyrent de naves, de grans vais. seaulx et de petis. Si mirent dedens leurs chevaulx, harnas et leurs pourvéances.Puis se commandèrent en le warde de Nostre Seigneur. Si se mirent en mer. LA estoient chevaliers haynuiers avec le noble homme monseigneur Jehan deHaynnau : messire Henry d'Antoning, messiré Miquiel de Lingne, le sire de Hayrech , messire Robert de Bailleul, messire Ferris de Hordaing, le sire de Hertaing, le seigneur de Gommegnies, messire Perceval de Semeries, messire ly Estandars de Montigny, messire Sanses de Boussoit, le sire de Potielles, le sire de Vilers, le sire de Hennin, le sire de Sars, le sire de Bousies, le sire de Vertaing, le sire d'Obrecycourt, le sire d'Estrumiel, messire Wafiars de Guistelles, et moult d’aultres nobles chevaliers et escuiers, qui par grant désir alérent en ccle noble emprinse.