CHAPITRE XXI

Or avez oy comment le dit messire Hue fin.

Après ce fait, madame la roynne et tous les barons se mirent au chemin vers Londre. Petis el grans issirent tous hors contre la roynne et s0n fil aisné, Si firent grant joie à lui et à toute sa compaignie. Si donnèrent grans dons à Ja damme et à pluiseurs de sa compaignie, leur bon leur sambla. Et quant messire Jehan et sa compaignie furent bien festié et pluiseurs jours reposé, ils dirent à la roynne qu'ils voloient re-

r en leur pays. Adonc pria moult Ja

roynne à messire Jehan de Haynnau qu'il volsist demourer en coste ly jusques après Noël, et LA dedens seroit accors pris que on feroit du roy. Et à celle prière fu messire Jehan d'acort ; mais pluiseurs firent retour en leur pays lesquels au partir la roynne fist donner moult de beaux dons d’or et d'argent et de rices joiaux, dont ils se loërent grandement au congiet prendre. Là fisrent pluiseurs dames du pays grant honneur aux bons chevaliers au congiet prendre ; c'estoit grant joie du voir. Ainsi s'en ralèrent tout chil vaillant homme, chascun vers son licu, fors le bon chevalier, messire Jehan de Haynnau, et aucuns de ses plus privés, qui demourèrent aveuc luy comme dit est devant.