CHAPITRE XX VIL

Quant le josne roy Édouwart et la roynne sa mère virent que prierre n’y valoit riens, se luy donntrent doucement congiet de coer courchiet ; et au départir, par bon conseil, luy donnèrent quatre cens mars d’estrelins de rente heritable à tenir en fief du dit roy, à payer chascun an en la ville de Bruges; et de ce eut bonnes lctres. Encore lui fist délivrer grans sommes d'estrelins pour les frais de luy et de ses compaignons pour retourner en leur pays. Si les fist conduire à grande et noble compaignie ce seigneur jusques à Douvres; et lui fist-on délivrer et apparillier tout son passage. Et quant messire Jehan de Haynnau fu venu à Douvres, ils monttrent en nefs hastivement, car il avoit grant désir de venir à tamps au tournoy. S'amenoit avec luy quinze josnes et apers chevaliers d'Engleterre pour estre au dit tournoy avec luy, et pour eulx aprendre à congnoistre des seigneurs qui là serojent. Si leur fist-on là grant honneur quant ils furent venus ou pays; et pour l'amour d'eulx, refist-on en celui an encore ung aultre tournoy à Condet, Or me tairay un petit de ceste matère; si parleray du josne roy d'Engleterre.

D'UNE PARTIE DU PREMIER LIVRE