CHAPITRE XXXI

Celui josne roy, pour mieulx festier ces seigneurs, tint une moult grant court, au jour de la Trinité, en la maison des Frères-Meneurs, leur il tenoit son tishel et ses chevaliers, dont il estoit bien accompaigniés de six cents. Et la roynne fu bien accompaignée de soixante dames qu'elle avoit prié pour plus grandement accompaignier le gentil chevalier et festier et ces seigneurs de sa compaignie ; ct là pooit-on veoir grant noblesse. Si advint que, tantost après disner, s’emut ung hustin entre les garchons des Haynnuiers et les archiers d'Engletcrre, dont grans maulx advint, si coinme vous orez. Car ainsi que aucuns garçons se combatoient à aucuns archiers englès, tous ly aultres archiers herbergiés ès faubours ct dehors s’assamblèrent au hustin, et en navrèrent tout plain, et mirent par terre des garçons haynnuyers et les firent par force fuir en leurs ostels. Et les seigneurs estoient encores à court. Kt si tost qu'ils oyrent ces nouvelles, chascun se par ty au plus tost qu’il peut, alant vers leurs ostels qui entrer y peut ; et qui n’y peut, hors lui convint demourer. Car les Englès et Englesses de leur malvaiseté, qui les hostels estoient où les Haynuiers estoient logiés, clooient huis et ferestres et {es enfremoient dehors. Et chils archiers, dont il y eut bien deux mille, traioient espessement. Mais pluiseurs des seigneurs y entrèrent par force et aucuns par derière ; et brisoient hayes, parois, huis et fenestres. Si s’armèrent à grant

MY y el ge sm

D'UNE PARTIE DU PREMIER LIVRE

exploit, et eulx armés par bonne ordonnance revenoient sur rue de grant corage à ces archiers qui là traioient , et par espécial à l’ostel le sire d'Engien. S'en assambla une grande flotte qui vinrent sur une place, et là se mirent ensamble tant qu'ils estoient plus de deux cents, et tous jours leur croissoit gens. Adonc se férirent à force en ces archiers, et à ce secours vinrent pluiseurs chevaliers, aussi bien Flamens, Brabençons et autres que Haynuiers. Et sachiés que se bon hardement et emprinse n'euist été, il y fussent tous mors sans remède; mais ils coururent sur les archiersde si grant corage, qu’ils conquirent la rue et en furent maistres, et les encachérent jusques aux camps. Si en turent bien seize vingt. Et encore en euissent-il plus occis s’on les | euist laissiés. Mais le roy y envoya monseigneur Thomas Waghe, le marissal, et le seigneur de Moubray, en eulx priant qu'ils se volsissent retraire, et le roy leur feroit amender celui fourfait que fait on leur avoit.