CHAPITRE LI

En peu de temps après ce que messire Guillame de Douglas fu partis d'Escoce, aucuns vaillans seigneurs et sages, pour mettre bone et seure paix entreleroyaulme d'Engleterre et celui d'Escoce, traitèrent devers le conseil du roi d'Engleterre pour avoir sa soer en mariage et estre roynne d'Escoce ; et tant y eut de traictiés que le mariage se fist. Et envoia le roy d'Engleterre mademoiselle Ysabel sa seur moult honnourablement devers le josne roy David d'Escoce, lequel le rechuspt grandement et à grant honneur, et l'espousa à grant joie à Bervich en Escoce. Or me tairay uug petit des besongnes d'Engleterre et d’Escoce, et revenray au noble roy Charle de France.

* CHAPITRE LIl.

Ce roy Charle fu trois fois mariés, et si morut sans avoir hoir malle de nulle de ses fammes, dont ce fu pitet, si comme vous orez chy après. La première de ses femmes fu la plus gente et li une des plus belle du monde, et fu fille le contesse d'Artois. Cele damme garda mal son mariage et se mesfist, parquoy elle fu longtemps en prison ou chastel Gaillard, en moult grant meschief, ainchois que son mary fust roy. Quant le royalme de France lui fu escheu, et il fu couronnés, les pers et les barons de France, pour ce qu'il n’avoit point sa famme et ils désiroient qu'il euist hoir malle, ils traitèrent tant qu'il fu remariés à la fille del’empereur Henry de Luxembourch et seur au noble roy de Behaigne. Et fistou tant que, par déclaracion de nostre saint père Je pape, que le mariage de celle damme qui estoit en prison fu desfais. De celle seconde famme de Luxembourg, qui moult bonne fu et prude famme, eut-il ung fil qui mourut josne. Assez tost après morut la mère à Ysodun en Berry, moult soupeçconneusement tous deux, si comme renommée courut ; et en furent aucunes gens soupeçonnés. Après ceroy Charlefuremariésle tierce fois à le fille de son oncle, fille monseigneur Loys d'Evreuls, et fu nommée la bonne roynne Jenanne , seur au roy de Navare qui adont estoit. Or advint que celle damme fu enchainte, et le roy s'accoucha malade au lit mortel. Quant il perchupt que morir lui convenoit, il ordonna que se la roynne sa femme s’acouchoit d’un fil, il voloit

RÉDACTION PRIMITIVE

que messire Phelippe de Valois son cousin ger= main en fust mainbour, et régent de tout le royalme jusques adont que ly enfès aroit eage; et s’il avenoit que ce fust une fille, les douze pers et les autres barons euyssent advis et conseil sur ce, de mettre et de donner le royalme à celuy qui par droit le deveroit avoir.