CHAPITRE LXL

À cel ennort et infourmation faire, fu party madamme la roynne sa mère. De tant le crut le roy plus legièrement, car encore estoit Jehan de Eltem, frère au roy, nouvellement trespassé, S'en fu messire Rogier plus légier de croire. Si fist prendre le dit conte son oncle; et publiquement, devant tout le peuple, lui fist le chief coper; pe oncques ne peut venir à excusacion, et se n'y avoit coulpe. De la quelle mort ceulx du pays, grans et petits, furent moult courouchiés; et en eurent le dit messire Rogier en grant haynne, par quel conseil ce avoit esté; car le dit conte avoit grace d'estre bon et loyal preudomme; et fu dommege de sa mort.