CHAPITRE LXVI

Quant le roy eut oy leur responce et bonne volenté, si fu moult lies. Et fu du message chargiés l'evesque de Durem, le seigneur de Persy, le seigneur de Moubray et le seigueur de Fellenton; et iceulx emprinrent l'afaire. Encore pria le roy à tous que chascuns se volsist pourvéir et estre apparilliés au Neufchastel-sur-Thin, et ils respondirent tous qu’il y seroient volentiers. Si s’en rala chascun en son lieu ; et ossy messire. Jehan de Haynnau prist congié au roy en lui

e en es

D'UNE PARTIE DU PREMIER LIVRE

présentant de bon cuer, dont il lui sceut grant gret, en lui disant : « Beaux oncles, moult très grant merchis! À vous ne à vostre ayde ne renoncé-je point , car se besoing me croist , j'envoieray vers vous. Et sur ce se party le sire du roy et de la roynne sa nièpce, qui moult doulcement juy pria qu'il le volsist recommander à monseigneur son père et à madamme sa mère et saluer ses belles seurs. Et il dist que si feroit-il vulentiers ; et sur ce se party, et sa compagnie, et s’en revint en Haynnau.