CHAPITRE LXXIV

Quant les Escos furent partis de lemontaigne, comme dit est chi devant, ils chevaucérent toute jour, car ils savoient bien que les Englès n'avoient talent d’eulx sieuwir; et se logèrent sut une petite rivière que on nomme Ja Bethe; et là se trairent ensamble les seigneurs à conseil, comment il se porroient le plus honnourablement maintenir. Là eut pluiseurs parolles dittes ; et ne sambloit point honnourable à pluiseurs de ainsi fuir devant les Englès. Et les plus sages disoient qu'il ne se véoient point puissant assez pour les Englèscombatre, et que mieulx valoit ainsi partir que tout perdre. Si se porta le conseil de tous : que le roy s’en yroit à Dunbretan, ung très fort chastel sur le sauvage Escoce, et le josne messire

Pi

Guillame de Douglas, le conte de Moret, le conte de Surlant, messire Robert de Versy et mes-

-sire Simon de Fresel à tout ce qu'ils voroient

prendre de gens, si demouraissent et costiassent

Jes Englès en eulx adommagant. Et par ceste manière il porroient faire retraire leurs anemis,

sans trop grande aventure de perte. Ce conseil fu tenus. Ainsi se partirent de l’ost des Escos, et retournèrent chascun en son lieu, et en ralant gastirent plenté du pays sur frontière, affin que

leurs anemis n’y trouvaissent aucun vivre. Si se

retrayrent les Escos ès montaignes et ès forès; et fu leur pays gastés d'eulx meismes; et les sei-

.gneurs dessus dits, qui estoient ordonnés pour -grever les Englès, les costièrent tousjours par

les montaignes et passages où il savoient bien

-Jes chemins, et leur faisoient grant dommage. Or

laisserons d’eulx ; si parlerons des Englès.