CHAPITRE XCIV

En ce temps mist le roy d'Engleterre gens sur mer, pour son pays et les marches garder des péris des escumeurs de mer. Encore par l'ordonnance de son conseil , et pour constraindre les Flamens et mettre en son dangier, il fist clore toys les pas d'Engleterre, et deffendre que nuls n'y envoiast ne vendist laines ne aulires denrées, affin que le commun qui n'avoient de quoy ouvrer se courrouçaissent. Et quant ce eut un terme duret, marchandise et drapperie empira durement; et les geus de mestier comencèrent fort à apovrip, car ils n’avoient de quoy ouvrer, et par espécial de drapperie, et sans ce ne se pooient longuement bien maintenir. Si widoient assez d'honnestes gens et s'en aloient mendier et

demourer en Haynnau, en Brabant, en Ar-

tois et en aultres pluiseurs lieux. Si mandoit le roy d'Engleterre souvent aux bonnes villes que, s’il n’estoient de son accort, qu'il les tenroit encores en plus grant dangier. Pourquoy lesbonnes villes furent ensamble pluiseurs fois à parlement, pour savoir comment il se poroient maintenir. Et vaulsissent bien les pluiseurs que on tenist le roy d'Engleterre à amour ainchois que celui de France, car plus grant prouffit leur en pooit venir; mais le conte de Flandres se metoit songneusement en leurs consaulx, et leurbrisoif leur propos qui estoient à leur commun proufit,