CHAPITRE XCVI

Or avint que le pappe Bénédic et le colliége qui se tenoit en Avingnon, par le promocion d’aucunes bonnes gens, seigneurs et dammes, dont j'ai oy nommer le roy de Behaigne, le due de Loraine, le conte de Bar, le conte de Namur, madame Jehanne de Valois contesse de Haynpau, madame la contesse de Soisons famme monseigneur Jehan de Haynnau, et madame famme au conte de Penebruich d'Engleterre seur au conte de Bar, qui tous doubtoient le grant domaige et meschief qui en pooit advenir, si envoiérent deux cardinaulx à Paris pour traitier devers le roi Phelippe qu'il se volsist accorder 4 ce que parlement se fesist en aucun lieu, des deux rois; et oyssent les François les demandes du roy d'Engleterre ; et s'il estoit trouvé qu'il euist aucun droit, par bon advis, aucune satisfaccion et appaisemens lui fust fais. Tant traitèrent

les dis cardinaulx devers le roy de France, avec.

les moyens, qu'il s'asenty à ce que parlement se fesist. Et s'y acorda le roy d'Engleterre; et devoit envoyer à Valenciennes gens souffissans, pour lui oyr et respondre aux raisons des François; et aussy y devoit envoier le roy de France personnes souffssans pour respondre aux oppinionsdes Englès; et devoient ceulx estre puissant d'acorder du tout les deux roys, par l’advis et conseil da conte de Haynnau sur qui toute ceste chose fu tournée.