CHAPITRE XCVYIIL

Lors se partirent de Valenchiennes dame Jehanne de Valois et messire Jehan de Beaumont son frère, et entrèrent en Paris en bon aroy, leur il trouvèrent le roy qui les rechupt à grant joie, et moult festia madame sa seur et monseigneur Jehan de Beaumont. Après ce, contèrent au roy tout leurmessage, et par espécial pour son honneur garder et les Englois apaisier, aux quels sambloit que on fesist villenie, et en disant : « Pour ce cas sumes nous cy venus. » Et quant ils eurent toute leur intencion ditte, le roy respondy en disant :« Ma belle seur, et vous, sire de Beaumont, vray est que par aucuns moyens, en espécial des personnes d'église, je m'acorday en ce que d'’envoier à Valenciennes. Or me sont aultres nouvelles et consaulx venus de mes plus espécials amis sur ces besongnes ; de quoy, tout considéré, j'ai trouvé que de là envoier je n'y sul riens tenus; et se je le faisoie ce seroit grandement à mon blasme et au préjudice de mon royalme, car le roi d'Engleterre n’a nul droit en mon pays; j'en suy en la possession, et y suy mis par l’assens de tous les pers de France. Si tenray ce droit pour moy, et deffenderay, s’il m'estoit calengiés, contre tout homme. Et ces raisons j'ay envoiés devant nostre Saint Père et collége, quibien si assentent; et ne treuvent par pul clers de droit que je doie autre chose faire.» À ces parolles respondy madame sa seur, qui les périls doubtoit entre son frère le roy et son fils le roy Édouwart, et dist : « Monseigneur, je ne tieng point que le roy d'Engleterre tende ne tire plainement à le couronne de France; mais

par la proismeté de madame sa mère, s'aucuns drois devoit avoir aux heritages, salve vostre honneur , vous feriés bien si vous consentiés que aucunement il y fust wardés, et par quoy vous demourissiez bon amy, qui estes si grans et si prochain amy. Si vous prie chièrement à ce que je soie oye de vous, et que vous veulliés vostre conseil envoier à Valenciennes comme en convent l'avez. » Lors respondy le roy qu'il en aroit advis.