CHAPITRE C

Dont escriprent d'un accort le conte de Haynnau et les seigneurs d'Engleterre, comme messagiers de par le roy d'Engleterre, à aucuns des seigneurs de l'Empire, tels que au duc de Guerles, au marquis de dullers, à l'arcevesque de Cou-

RÉDACTION PRIMITIVE

longne, à monseigneur Galleran son frèreet au marquis de Brandebourch, queils volsissent venir en Haynnau jusques à Valenchiennes devant le conte,àung parlement qui estre y devoit.Ceulx qui priet furent ne s’escusèrent point; mais escriprent qu'il y seroient volentiers au jour. Or poez croireque dedens ce jour du parlement, qui n’estoit mie si tost, ces seigneurs d'Engileterre pourcachoient en pluiseurs lieux, à le fois en Flandres et ès bonnes villes, pour eulx acointier des plus vaillans bourgois et des communs. Si tenoient grant estat, et despendoient largement, et donnoient grant disners pour toudis acquérir grace; et prometoient que seles Flamens estoient amis aux Englès, ils aroient marchandise et autre amour au roy et au pays. Adont avoit à Gand ung chevalier que on appelloit messire Simon le Courtrisien, anchien homme et riche, et qui volentiers festioit et recepvoit les estrangiers, et espécialment chevaliers et barons d'onpeur. Si compaignoit ces seigneurs d'Engleterre quant il venoient à Gand, et faisoit toute le bonne compaignie qu'il pooit. Si l'en vint mal; car Ic roy de France et le conte de Flandres en furent infourmés. Si doubtérent qu'il ne volsist attraire les coers des bonnes gens du pays à le oppinion du roy d'Engleterre. Dont, pour eulx mieulx asseurer, le conte le manda à ung certain lieu. Luy venu au mandement, il fu pris et livrés au conestable de Flandres, et puis à celui de France. Si fu assez tost après décolés; dont grant murmuracion fu ens ou pays; et s'en esmurent grant haynne sur le conte et son conseil. Car ce fu fait moult hastivement, selon ce qu'il estoit de grans amis, et prissanment riches hons. Depuis le mort de ce seigneur, les chevaliers d'Engleterre n'osèrent si à plain hanter ens ou pays de Flandres. Si se tinrent en Haynpau, dalez le conte qui bonne chière leur faisoit.