CHAPITRE CXVII

Or sceut le conte de Flandres que ses gens murmuroient sur luy. Si les appaisoit ce qu'il pooit, et leur disoit : «Mes bonnes gens, sachiés que ceste chose ne peut durer longhement ; car j'ay nouvelles souvent, et par mes amis, que les Englès sont en plus grant discort que vous n’estes ; car il ne pevent vendre leurs laines fors à vous, se ce n’est à leur trop grant dommage. Si vous appaisiés de ce noble pays de France, dont tant debiens habondent. » Ainsilesappaisoit et faisoit appaisier par aucuns de ses amis; mais nientmains le peuple estoit si batus de celle disette, qu'il nes’en pooit appaisier; pourquoy ils s’'esmouvoient de jour en jour plus que devant; et si n’avoit si hardy d’eulx qui osast emprendre le fais, pour le cremeur du conte. Si demoura ainsi grant teraps. Enfin s’asamblèrent par grant foules , et dirent que plus n'atenderoient. En ce temps avoit ung bourgeois à Gand, brasseur de miel , lequel par pluiseurs fois parloit bien sagement au gré de pluiseurs. Si l’appeloit-on Jacquemon d’Artevelle. Si reprinrent aucuns hommes ses parolles aux aultres; et dirent qu'il estoit un très sages homs ; et dirent qu'ilavoit dit que, s'ilestoit oys et creus, il cuideroit en brief temps avoir remis Flandres en bon estat, et r'aroient tout leur gaignage, sans estre mal du roy de France ne du roy d'Engleterre. Ces parolles multeplièrent tant que li quars ou la moitié de le ville en fu infourmés. Lors se commencèrent à sassambler ; et tant que une feste, après disner, il se mirent ensamble plus de mille; et appeloient l'un l'autre à leurs maisons, en disant : « Alons, alons oyr le bon conseil du saige homme.» Et vinrent à le maison du dit Jacquemon, qu'il trou-

vèrent appoiant à son huis. De si long qu’ils le

perchurent, il lui firent grant révérence et honneurs, et dirent : «Chier seigneur, veulliés nous oyr. Nous venons à vous à conseil ; car ON nous

dist que les grans biens et sens de vous remettra

le pays de Flandres en bon point. Si nous dittes comment, et vous ferez aumosne. » Lors s'avancha Jacques d’Artevelle, et dist : « Seigneurs

ps: 1e: en t8-d mene

compaignons , je suis natif et bourgois de cèste ville, el y ai le mien. Sachiés que de tout mon pooir je vous vorroie aïdier et tout le pays; et s'il estoit homme qui vosist en prendre le fais, je vorroie exposer mon corps et biens à estre dalez lui; ou se vous aultres me vollés estre frère, amy et compaignon en toutes choses, pour demourer daléz my, nonobstant que je n'en suy mie dignes, je l'emprenderols volentiers. » Alors dirent:ils, tous d'un assens et d'une voix t «Nous vous prometons léalment à demourer dales voys en touteschoses, et d'y aventurer corps et biens; tar noussavons bien que en toute le contéde Flandres n'y a homme, se non vous , qui soit digne dece Paire. » Adont quant Jacques se vit ainsy accuellis en l'amour du peuple, par plusieurs jours fl fist grans consaulx et grandes assemblées de ‘gens, en remonstrant qu'il tenissent le partie des Englès à l'encontre de ceulx de France, et que il savoit bien que le roy de France estoit si ‘occupé en moult de manières qu'il n'avoit pooir ‘ne loisir d’eulx faire mal; et avec ce le roy d'En- ‘gleterre seroit joieux d’avoir leur amour; et aussi -seroit enfin celni de France. Et leur remonstroit ‘qu'ils aroient Haynnau, Brabant, Hollandes et ‘Zélandes avec eulx. Et tant les mena de parolles ‘que toute la communalté et grant plenté de la ‘bourgoisie setirèrent avec luy, et abandonnèrent de tous poins leur seigneur, sans rien plus eonvertir, ne aler devers lui; mais le compaignoient à si grant puissance que tous les jours dormoient ‘ep sa maison , buvoient et mangoient mille ou douze cens personnes; et le compaignoient à aler par la ville , ou ailleurs Jeur bon lui sembloit.