CHAPITRE CL

Lendemain au matin le roy se party et vint à Haspre; et là fu deux jours, attendant touttes ses routtes, dont il y avoit foison. Si entendez que tous ces seigneurs d’Alemaigne avoient fait le roy de France desfier, horsmi le duc de Brabant et le comte de Haynnau; car le comte disoit qu’il serviroit le roy Englès à cinq cens armures, tant qu'il seroit en l'Empire, et non plus, si qu'il l'entendoit.