CHAPITRE CLXIT

Ansy que sur cel estat fu le journée accordée à ce vendredy, et il estoit mercredy. Si s’abillerent et ordonnèrent chascuns, pour estre à ce jour ou meilleur estast qu’ils porroient estre, chascun ensi que pour son corps. Le joedi au matin dont la bataille devoit estre lendemain, ad-" vint que deux chevaliers du conte de Haynnau, ce furent le seigneur de Faigneulles et le seigneur de Tupigny, montèrent sur leurs coursiers rades et appers, et se partirent de leur ost, en propos pour adviser l'ost des Englès. Si prinrent les camps, et chevaucèrent à le couverte, costiant lost des Englès. S’esquéy que le seigneur de Faigneulles estoit sur ung coursier mérancolieux et mal enbouquiés. Si s’effréa tant qu'il prist son mor aux dents ; et se demena tant qu’il. fu maistre du seigneur. Si l'en porta, yolsist ou non, droit en l'ost des Englès; et quéy ens ês mains des Almans, qui tantost congnurent qu'il estoit François; si l'enclorent de toutes pars et prirent; et l’eut le seigneur de Hoteberch à son prisonnier ; et le scigneur de Tupigny retourna en lost de Haynnau et leur recorda l'aventure; dont moult furent courechiés, et par espécial le conte.