CHAPITRE CLXXII

” Etle roy de France, quant il fu ainsi retournés et que on lui avoit desconsillié le combat, moult courouchlés et enflamés s’en rala versBuironfosse; et avoit intencion que lendemain il combateroit. Si appella ses deux marissaulx, monseigneur Bertran et le sire de Trie, et leur dist : «Ordunbez et commandez que nul ne se parte, et que à

demain chascun soit prest ; car, au plaisir de Dieu, j'ay intencion de combat. » Et ainsi le firent les marissaulx. Et quant ils ne trouvèrent point le conte de Haynnau, si le dirent au roy, adfi qu'ils n’en fuissent repris. Adont regarda le roy sur le conte d'Alençon son frère et lui dist : « De nostre nepveu de Haynnau en savez-vous nouvelles ? »—« En nom Dieu, monseigneur, oy1; car il envoia or-ains le seigneur d'Engien ct le seigneur d’Antoing pour savoir à vous quel chose vous voliés que on fesist ; et ils ne peurent parler ä vous. Si me trouvèrent d'aventure; si leur dis que n’estoit nul apparant de combattre, et qu'il s'en alast de par Dieu.» Adont pensa le roy ung petit, puis dist : «Or le remandez appertement, car demain, s’il plaist Dieu , nous combaterons. » Lors fist envoier ung sergant d'armes vers le Quesnoit ; et y vint si à point que leconte se désarmoit. Et jà estoient lés barons ct les autres retrais à leurs hostels, et les aucuns ralés vers leurs maisons. Si vint le messagier devers le conte, et luy dist : «Sire, le roy vous salue, et vous mande que demain, à soleil levant, vous soiez à Buironfosse ; car demain on se combatera aux Englès. » Et quant le conte oy ces nouvelles, si fist sonner ses trompettes, resvillier gens d'armes, erseler chevaulx, et remander ceulx qu’il cuidoit le mieulx ravoir. Si se party en grant haste ; et tant chevauça que ce samedy au matin, il fu, son corps et sa routte, sur les camps dont droit il s’estoit partis. Si ne vit nul apparant; car aucun coureur avoient apperçut que Englès s'estoient partis et retrais sur l’Empire. Dont dirent les barons de France au roy : «Sire, il convenra le roy d'Engleterre faire moult de telschevaucies, 4inchois qu'il ait conquis tout votre royalme. »