CHAPITRE CLXXVII

Encoredepuis ce parlement, se tint leroyd'Engleterre en Flandres, alant de bonne ville à aultre, pour aprendre les gens à congnoistre, et eulx lui, Et par le conseil Jaquemon d’Artevelle fist venir la roynne sa femme à Gand; et tinrent leur hostelenl’abbaye Saint-Pierre; et là estoient souvent viseté des dammes et de bourgoises de Gand. Et pour plus grant signe d'amour monstres à eulx, le roy fist venir le conte de Salsebæich

1 À la paix phoe À 1300, ibn Froissert porit pour l'Angiatetre.

en la ville d'Ippre en garnison, et le conte de Sulfort, pour faire paine à ceulx de Lille et de là entour. Et quand il eut ordonné toutes ses besongnes, il prist congiet à la royne et aux Flamens et à Artevelle. Si y laissa monseigneur Robert d'Artois, et se mist en mer pour aler viseter son pays, où il n’avoit esté il y avoit près de deux ans, et espécialment pour regarder sur le marche d'Escoce, car il redoubtoit plus à ce costé là que à nul des aultres. Si se hasta entre luy et tous ses prinches, tant qu'ils furent à Londres, où ils furent rechupt à grant joie, en l’an mil trois cent et trente neuf.