CHAPITRE CLAXXIX
Après le destruccion d'Aubenton, fu destruit Sigay le grand et le petit; et des hamiaulx de là
entour, ars et destruis plus de quarante; et puis
retournérent en Haynnau. Si donna le conte à ses gens congiet pour ceste fois. Si s'en rala chascun en son lieu , et son oncle de Beaumont s’en rala moult joieu. Si retourna le conte à Mons, pour avoir advis comment il acquerroit amis à tous lez, pour mener sa guerre à l’esté encontre François. Et ainchois qu'il se partist du pays, il ocdonna et garny lesfors et les bonnes villes; et par espécial il mist monseigneur Jehan de Haynaau son oncle, alant et venant par leterre,avec quatre
Chevaliers : le sire d'Antoing, le seigneur de
Waregny, le sire de Vertaing et monseigneur Henry de Hufallise. Après il mist au Quesnoit le sire de Fauquemont à cent armures de fer.
11 mist à Landrecies le sire de Pottielles, à Avesnes le sire de Montigny-Saint-Christophe, à Maubeuge monselgheur Tiery de Wallecourt
mariscal de Haynnau , à cent hommes d'armes.
Après il mist à Bouchain trois chevaliers almens, qui tous trois avoient à nom Courart, qui bons chevaliers estoient ; à Escaudemire il mist messire Gérart de Sassegnies; à Thun-l'Evesque messire Gérart de Limosin, bons chevaliors Englès; avec lui les deux frères de Maugny, Jehan et Thiery ; ou chastel de Rieullay le sire de
Rousne et le sire de Goullesmes; et les autres forteresses recommanda-il aux autres barons
de son pays, qui y entendissent ensy que pour leur honneur et le sienne. Et ainsi ordonna monseigneur Jehan son oncle, bail et gouverneur du pays de Haynnau jusques à sou retour. Assez tost après il se party, et s’en ala par devers l'en pereur qu’il trouva à Coulongne, qui le rechupt à moult grant joie; car l'empereur avoit sa seur. Si retournerons ung petit à parler du roy de
France.
GHAPITRE CXC.
Quant le roy de France ot oy les nouvelles que les Haynnuiers avoient ars le Théraisse, pris et occis ses chevaliers, et destruit la bonne ville de Aubenton, sachiés qu'il nele prist mie en pascience; mais commanda à son fil, le duc Jehan de Normandie, qu'il mesist sus une grosse chevaucie et s’en venist en Hayanau; si atournagt
tel le paysque jamais ne fust recouvrés. Et le duc dist qu'il le feroit voulentiers. Encore ordonna le roi leconte de Laille, qui estoit Gascon, qu'il mesist sus une grosse armée et s'en alast en Gascongne comme ses lieux-tenans et guerriast fort Bordiaulx et Bordeloiset les forteresses quisetenoient pour les Englès. Lequel conte se party et s'en ala à Toulouse; et là fist son mandement de par le roy. Lequel mandement se tint comme vous orez cy après. Encore renforça le roy durement sa navie qu’il avoit sur mer, et le grosse armée des escumeurs ; et manda à messire Hue Quieret, à messire Bahucet, à Barhe-Naire et aux autres capitaines, qu’ils fussent songneux d'eulx tenir sur les mettes de Flandres ; et que nullement ils ne laissaissent rapasser le roy d'Engle- ‘terre, ne retourner en Flandres. Et se par faulte d'eux il rapassoit , il les feroit morir de male mort ; et ils dirent qu'en eulx il n’y azoit point de faulte.
