CHAPITRE CXCIIL

Or vinrent ces nouvelles à Jaquemon d’Artevelle à Gand. Et quant il sceut que ceulx de Tour nay avoient ainsi adommagiet le pays, si en fut moult courouchiés ; et dist qu'il seroit amendé, et qu'il yroit asalir Tournay, et que jà il n’atenderoit le roy d'Engleterre, ne aultruy. Si fist son mandement moult espécial. Et en peu de temps assambla plus de soixante mille Flamens; puis manda au conte de Salseberich et au conte de Sulfort, qui estoient en garnison à Yppre, que bastivement il venissent vers lui, et qu'il en voloit aler vers Tournay ; et asségeroit la cité, et ne deuist avoir autre ayde que de ses Flamens ; et dit qu’il estoit bien en eulx.