CHAPITRE CXCV

Or chevaucérent ces deux contes et leurroutte, sur le guiement messire Wafflard de leCrois, qui grant temps avoit guerrié ceulx de Lille et encore faisoit. Et quant il les eut amenés jusqu'à là, il trouva que ceulx de Lille avoient copée la voie leur il cuidoit passer. Dont leur dist-il : « Beaux seigneurs, je me perçoy bien que cœæulx de Lille scevent vostre venue. Si me doubte qu'ils n'aient fait embusce sur nous, car nous ne poons cy passer sans grant péril. Si sachiés que je vous ay jusques à cy amenés; mais par mon conseil nous retournerons et yrons par ailleurs. Et tenez vous contens de ma compaignie; car se ceulx de Lille saillent hors et ils viennent sur nous, n’aiez nulle fiance en moy; car je me salverai au plus tost que je porray Car se je estoie pris, tous ly or de Bruges ne me racateroit point , que je ne fuisse mors à honte. Et je le vous remonstre adfin que vous n’en puissiez parler sur mon honneur. » Et quant ces seigneurs l'oyrent, si luidirenten riant : « Waflard, alons toudis ; ce ue sont que vilains, ils n'oseroient widier. » Alors se mirent à aprochier la ville de Lille, Adont sailly une embusce de cinq cens hommes au chemin devant eulx ; et commencèrent à crier : « A la mort ! »Si y avoit arbalestriers qui tiroient de fors

trais. Et quant messire Waflard oy ce, sans plus .

parier, il retourna son cheval et se salva; et les

deux seigneurs d'Engleterre furent mieux pris que poisson à le roit ; car ils estoient en uug estroit chemin , entre haies et buissons et grans fossés. Dont ils ne pooient salir ne prendre les camps. Non pourquant, quant il virent le destroit, il se deffendirent moult vaillamment, tant qu’ils peurent. Mais finablement leur deffence ne leur valy riens; car leurs gens furent mors, et les deux seigneurs, priset mis en prison ens és halles de Lille, et gardé bien seurement ; et dedans tiers jours furent menés devers le roy de France ; et lui en fu fait ung bel présenta tout une belle compaignie. Quant le roy sceut comment ceulx de Lille avoient esploitié, si en fu moult joieux ; et dist que c'estoient bonne gent ; et dece qu'il avoient fait, il en vauroiïent mieulx, Si furent les deux contes mis en Chastelet en prison, où ils furent depuis grant temps, ensy que vous orez. Mais sachiés que, quant Jacque d’Artevelle sceut le prise des deux contes, il en fu tout courouchiés et confus, et fu s’emprinse brisie. Si s’en revint vers Gant , et donna à toutte gent congiet.