PARTIE I

de grâce et de nature, tant estoit celuy Cirus naturellement de sgigneurial maintien , que.les autres pasteurs l’avoient en revérence, et en firent leur roy. Si le craignoient et doubtoient ; et quand ils estoient aux champs, ils s’assembloient entour luy, et il oyoit leurs causes, et en déterminoit, et leur faisoit droit. Et ainsi nature prophétisoit en luy ce que puis advint : car il fut roy de Perse, d'Assyrie, et de Mède, et conquit Babilone la grande. Semblablement advint de Romulus, qui fonda Rome, et de Rémus, son frère, qui très leur enfance assembloient les petits enfans, par manière de bataille, et ainsi le coutinuoient et maintindrent, quand üs furent grandset hommes parfaits; tant qu'ils conquirrent grand pays; aussi Pâris le fils de Priam , qui pastour mescongneu fut en son enfance, et fils de pasteur cuidoit estre, mais son gentil maintien , et son poly atour, ses chapelets de fleurs, et son arc doré, donnoient enseignes, avecques sa très grande beauté, tant desesinclinationset conditionsamoureuses , plus que batailleresses, comme qui il estoit. D'assez d’autres nobles hommes, pourroit-on dire , desqueulx, quand jeunes estoient , les enseignes de leurs enfances démonstroient enseignes de leurs conditions.