CHAPITRE VIIL

Cy dit comment amour et desir d’estre aimé creust en Bouci-

quaut courage et volonté d’estre vaillant et chevaleureux.

Le gracieux jouvencel Bouciquaut , si comme nous avons touché , jà commençoit à sentir naturellement et par gentillesse de cuer de qui amour vient et sourt la pointure amoureuse que Douls-regard , le soubtil archer, procure et envoie à gentils courages. Or si print à devenir joyeux, joly, chantant, et gracieux plus que oncques mais : si print à faire balades, rondeaux, virelais, lais, et complaintes d'emoureux sentiment. Desquelles choses faire gayement et doulcement amour le feit en peu d'heures si bon maistre , que nul ne l'en passoit; si comme il appert par le livre des cent balades, duquel faire luy et le sénéchal d'Eu furent compaignons au voyage d'oultre mer. Et voult avoir robes, chevaux, harnois, et tous habillemens cointes et faitis, plus que il ne souloit. Jà avoit choisy dame belle et gracieuse et digne d’estre aimée, si comme amour l’avoit admonesté, pour laquelle pristrent ses pensées à croistre de plus en plus en désirs chevaleureux. Si prist devise et mot propice à l'entente et propos de son amour, qu'il porta en tous ses habillemens , et secrètement en son courage aux désireux de tant faire par bien servir, celer, et par vaillance, et poursuivre armes , que l’amour de sa dame peust acquérir, Si la voyoit quand il pouvoit, sans blasme d'elle. Et quand à danse ou à feste s'esbatoit où elle fût, là nul ne le passoit de gracieuseté et de courtoisie, en chanter, en danser, en rire, en parler, et en tous ses * tmintiens. Là chantoit chansons et rondeaux. dont luy mesme avoit Faict le dict ; et Les disoit

gracieusement, pour donner secrètement et couvertement à entendre à sa dame, en se complaignant en ses rondeaux et chansons, comment l'amour d'elle le destraignoit. Mais il ne fut mie tost hardy de sa pensée plainement dire comme font les lobeurs du temps présent , qui sans desserte vont baudement aux dames requérir qu'ils soyent amés : et de faintises et fauly semblans, pour elles décepvoir, bien se savent aider. Ainsi ne fit mie l'enfant Bouciquaut:

ains devant elle et entre toutes dames estoit plus doux et benigne que une pucelle. Toutes servoit, toutes honnoroit, pour l'amour d’une Son parler estoit gracieux , courtois , et craintä devant sa dame. Si celoit sa pensée à toute gent, et sagement savoit jecter son regard et ses semblans , que nul n'apperceust où son cœur estoit. Humblement et douteusement servoit amour et sa dame ; car il luy sembloit qu’il n'avoit mie assez faict de bien, pour si haulte chose requerre et demander, comme l'amour de dame ; et pour ce mettra ce dict toute peine que, par son bien faire, elle soit esmue à l'aimer, et le prendre en grâce , et vouldra toutes ses manières et conditions et contenances amender , et continuer de mieulx en mieulx pour l'amour d'elle. En cekry temps estoit assez de nouvel couronné Le roy Charles sixième du nom, qui à présent règne.

Adonc commencèrent à multiplier festes et joustes et danses en France; plus que de longtemps n'y avoit eu, pour cause du jeune roy, à qui jeunesse , puissance et seigneurie admonestoient de se soulacier et esbatre, comme à jeune cœur qui a puissance est chose naturelle, Si faisoit le roy au temps de lors souvent et menu de belles festes à Paris et ailleurs, où haultes princesses, et dames et damoiselles, de toutes parts estoient mandées. Si peut-on savoir que maintes en y avoit de belles, jolies et richement atournées. Là s’efforcoient ces jeunes chevaliers et escuyers d’estre jolis, cointes et avenans : car la vue de tant de nobles et belles dames leur accroissoit le couraige et volonté d’estre amoureuxet avenans plus queoncques. Mais là estoient les joustes à tous venans grandes et plainières. Si ne s’y faignoient gentils hommes, de chascyn endroict soy monstrer son vasselage pour l'amour des dames. Là estoit le jouvencel Bonciquaut joly, richement habillé, bien monté, et bien accompaigné, lequel, en recepvant le doux

PE 1} CT -] r . À r —4 [7

regard de sa dame, lance baissée, vous poignoit son destrier de telle vertu qne plusieurs en abatoit en son encontre. Et tant bien s’y contenoit , que chacun s’esmerveilloit de ce qu'il faisoit ; car moult jeune d'âge encores en celuy temps estoit. Si faisoit à merveilles parler de luy ; et les dames et toutes gens par grand plaisir le regardoient, et grand plaid en tenoient. Que vous en feroye long compte? Ainsi comme vous oyez croissoit amour, au courage de Bouciquaut désir et volonté d’estre vaillant. Si ne sera mie d'or-esnavant des derniers en toutes besongnes belles et honnorables où employerse pourra.Toutes icelles pensées, et autres toutes bonnes volontés feit amour croistre et multiplier au courage de Bouciquaut , lequel bien le mit à effet, comme il apperra par la description de ses bons faicts et poursuite de chevalerie , si comme nous dirons cy après.