CHAPITRE XII

Cy diet eomment le duc de Bourbon laissa messire Bouciut ès frontières son lieutenant, et comment il jousta de Rr de glaive à messire Sicart de la Barde,

Ja s'estoit tant esprouvé messire Bouciquaut , que sa vaillance, laquelle avec la force luy croissoit de jour en jour, estoit congneue et manifestée à tous ceulx qui se trouvoient en armes en place où il fust. Parquoy si grand honneur luy fit le duc dé Bourbon que, au partir du pays, après les dessus dicts chasteaux pris, comme dict avons cÿ devant, et que il s'en voult partir et venir en France, le fit son lieutenant ès frontières ét au pays de delà, et ne laissa mie pour son jeune Agé, qu'il ne luy laissast grand'charge de gens d'armes. Et avec luy demeurèrent messire le Barrois, monseigneur de Chasteaumorant et messire Regnauld de Roye, cent cinquanté hommes d'armes et cent arbalestriers. Si n'en fut mie déçu le duc de Bourbon de là le laisser ; car n'y demeura pas en oisiveté, ne en vain. Car nonobstant l'hyver et la dure saison, alla tantost assaillir une forteresse appellée la Granche, laquelle ils combatirent par trois jours, puis fut prise. Ne se déporta pas à tant en celuy hyver, ains, ainsi comme en icelle morte saison les gentils hommes se seulent esbatre à chasser aux connins et lièvres ou autres bestes sauvages, Île bon Bouciquaut, par manière de soulas, s’esbatoit à chasser aux ennemis; et le plus souvent ne failloit mie à prendre. Et tout ainsi comme on a de coustume prendre icelles bestes en diverses manières, c’est à sçavoir à force de bons chiens, ou par traict d’arc et de dards, ou par bourses et filets, ou autres manières de les décevoir, ainsi semblablement le vaillant capitaine, qui contre ses ennemis se debvoit aider de plusieurs sages cautèles, les surprenoit en maintes manières. Si voult aller assaillir la forteresse de Corbier, et va ordonner une embusche, où il

fut, et avec lui messire Mauvinet, son frère, et

les autres dessus dicts compaignons, taf que ils furent vingt-huict chevaliers, et escuyers sans plus, tous hommes d'eslite. Et ordonna que une route de ses autres gens d'armes iroient courir par devant la dicte forteresse. Et ainsi fut fait : car il s'alla embuscher au plus près qu'il put du chastel, et se cacha tout coyement entre arbres et masures qui là estoient. Tantost après vindrent courir ceulx qu’il avoit ordonnés par devant le chastel. Quand ceulx de dedans virent nos gens courir par devant eulx, tantost saillirent dehors, et les mirent en chasse; car tout de gré les nostres fuyoient. Quand ils furent davantaige eslongnés, adonques saillit l'embusche; et prirent à courir vers la potte du chastel pour eulx ficher ens. Quand la guette du chastel vit saillir l’embusche, tantost escria par son signe au capitaine, età ceulx qui estoient avec luy saillis dehors, que ils retournassent, et ils le firent tantost. Mais si tost ne surent arriver, que ils ne trouvassent jà messire Bouciquaut combatant à pied pardevant la porte. Car tout le premier devant ses compaipnons, comme le plus courageux, estoit là arrivé ; où il faisoit merveilles d'armes , mesmement devant que ses compaignons venissent. Car jà avoit pris le compaignon du capitaine, qui le plus vaillant de ceulx de dedans estoit. Jà estoyent ses gens arrivés, avant que ceulx du chastel peussent estre retournés. Lors commença la bataille grande et fière : mais tant y férit le bon Bouciquaut avec sa compalignie, que ceulx du chastel furent tous morts et pris, exceptés cinq qui s’enfuirent, et se boutèrent au chastel, tandis que les autres se combatoient. Quand ce fut faict, Bouciquaut avec les siens se va loger devant le chastel , et envoya querir tout le demeurant de ses gens. Si mit son siége par belle ordonnance. Quand ceulx de dedans virent ce, ils n'osètrent attendre l’assault, ains se rendirent, sauves leurs vies. Si fit Bouciquaut la forteresse raser par terre. Et après s'en retourna en son logis : cat il en y avoit qui mestier avoient de repos. Mais comme messire Bouciquaut laissoit guarir ses gens et reposer, luy fut rapporté que un chevalier anglois de Gascongne, appellé mes-

sire Sicart de la Barde, avoit par manière d'en-

vie dit de luy aulcunes paroles, comme en disant

que il n’avoit mie le corps taillé d’estre si vail-

lant comme on le tenoit. Pour lesquelles paroles,