CHAPITRE XVIIL

Comment messire Bouciquaut fut faict Mareschal de France.

Au temps que messire Bouciquaut estoit en Prusse , comme dict est cy devant, trespassa de ce siècle le mareschal de Blainville. Mais, comme dict la ballade : Qui bien aime n'oublie pas son bon ami pour estre loing; le bon roy de France, qui aimoit de moalt grand amour, et aime encores et tousjours aimera Bouciquaut, conmme par plusieurs fois lny avoit démonstré, à celle fvis derechef grandement luy monstra. Car nenobstant que, si tost que le mareschal de Blaisville fut trespassé, luy fut requis l'office par plusieurs haults et grands seigneurs, et nonobstant que Bouciquaut ne fust mie présent, ains ne l'avoit veu jà avoit près d’un an, ne l’oublia pourtant le bon noble roy ; «ins délibéra ineontinent que autre ne l'auroit que iuy. Et de fait luy manda hastivement que tantost ét sans délay il s'en retournast. Si vint si à peint le messaiger du roy devers Boucquaut, que il k trouva que jà il s'en retournoit du susdict

voyage de Prusse. Si se hasta pour ces nouvelles encores plus de venir. Et quand il fut approché de France, il sceut que le roy estoit adonc au pays de Touraine. Si tourna celle part, et tant erra que il le trouva en la cité de Tours; et vint vers luy si à point que il estoit adonc au propre hostel où il mesme estoit né, et où son père en son vivant demeuroit. Devant le roy se mit à genoulx Bouciquaut, et, comme il debvoit, humbleinent le salua. Quand le roy le vit, ne çonvient demander s'il luy fit grand chère : car ne cuidez pas que de long temps nul chevalier fust receu du roy à plus grand feste. Si luy dict incontinent le roy :« Bouciquaut, vostre père demeyra en cest hostel, et gist en ceste ville, et fustes né en ceste chambre, si comme on nous a dit, Si vous donnons, au propre lieu où vous naquistes, l'office de vostre père; et pour vous plus honnerer, le jour de Noël qui approche, après la messe, nous vous baillerons le baston, et ferons revoir de vous le serment comme il est accpustumé.» Bouciquaut, qui estoit encores à genoulx, remercialeroy humblement, commeil debvoit faire. Et quand veint au jour de Noël se leva dès matin messire Bouciquaut et se vestit moult richement, Là estoyent jà venus grand foison de chevaliers et seigneurs ses parens et affins pour lui accompaigner. Et quand temps et heure luy sembla, s’en alla en moult noble appareil à la messe devers le roy. Quand la messe fut chantée, le duc de Bourbon, qui moult l’aimoit, comme celuy que il avoit nourry, et duquel il avoit faict noble et bonne nourriture, le prist et le mena devers le roy, et avec eulx furent plusieurs autres seigneurs et chevaliers qui l’accompaignèrent. Devant le roy se mit à genoulx Bouciquaut , et le roy le receut trèsjoyeusement, et le revestit de l'office de mareschal en lui baillant le baston. Et là estoit le duc de Buurgongne oncle du roy, leque} pour lui faire plus grand honneur voult luy mesme en recevoir le serment ; honobstant que ce ne soit chose accoustumée que autre le reçoive que le chancelier de France qui mesme là estait. Là estoit présent messire Olivier de Clisson pour lorsconnestable de France, et messire Jean de Vienne admiral, et grand foison de baronnie, qui tous dirent que le dict noble office ne pouyoit estre en autre mieulx employé ; et grand joye en eurent, comme de celuy qui le valait et qui bien l'avait desservy, Et ainsi fut

faict Bouciquaut mareschal de France, Sj faict à

noter en cest endroict le grand bien de cestuy

chevalier, lequel, ainsi qu’il est contenu ès his-

toires des chevaleureux Romains, quand il ad-

venoit que aulcun d'entre eulx estoit vu et

aperceu dès son enfance plus que les autres en-fans estre enclin en l'amour et poursuite d'armes,

en continuant faits chevaleureux par grande ardeur, tant et si vaillamment que mesmement en jeune âge eust jà faict maintes choses fortes et honnorables, et tousjours continuast de mieulx en mieulx, on présumoit et jugeoit-on par tels signes que tels enfans et jouvenceaux seroijent en leur droict âge très vaillans hommes, et pour ce les Romains ne laissoient point pour la grande jeunesse d’iceux à les mettre ès grands offices de la chevalerie, si comme les faire ducs, connestables, et chevetains de très grands osts, no» nobstant que l'ordonnance commune pe fust de mettre hommes en tels offices que ils n’eussent à tout le moins accomply trente ans : mais ceulx qu’ils véoient advancés en exçellence putre Je commun cours de nature, ils les advangoient aussi en honneur outre les autres hommes. Et ce faisoient-ils affin que ils fussent plus avivés et embrasés en l'amour et ardeur des armes de tant comme plus s'y verroient honnorés :

comme ils firent de Pompée le très vaillant chevalier, qui tant avoit jà faict de bien en son enfance et jeunesse, que ils le réputérent digne, dès l’âge de vingt deux ans, d’estre consul de Rome, qui estoit office comme nous dirions due et connestable de la chevalerie. A cest exemple, comme il me semble, fut faict le noble jouvencel Bouciquaut, lequel tant avoit jà faict de bien par longue continuation dès son enfance, tousjours multipliant en vertu et biens faicts, que il fut réputé digne d’estre mis en si nobleoffice comme de mareschal de France, dès l’âge de vingt cinq ans qu'il avoit sans plus accomplis lorsque le roy le revestit du dict office. Mais vrayement, nouobstant ce jeune âge ne descheut pas en luy l'honneur de si noble estat. Car sa grand bonté, vaillance et vertu, excéda, passa et vainquit tous les mouvemens et inclinations de folle jeupesse. En telle manière qu'il estoit plus mûr en vertu et mœurs dès l'âge de vingt ans que plusieurs ne sont à cinquante. En laquelle grâce et môreté a tousjours perséyéré et persévère

multipliant en bien, si comme il appert par ses

faicts, lesquels en continuant nostre matière seront déclarés cy après.