CHAPITRE XXL
Cy commence à parier du voyage de Hongrie, comment le comte d’Eu admonesta le mareschal d’y aller
Après ces choses le voyage de Hongrie fut mis sus. Et pour ce que ce fut une entreprise de grand renom, et dont plusieurs gens ont désiré et désirent savoir du fait toute la manière et la pure vérité de la chose, pour cause que en plusieurs manières, et différemment l'une de l’autre, on en devise, me plaist et assez faict à nostre propos que je devise de long en long, depuis le commencement jusques à Ja fin, tout le contenu de la vérité d’iceluy voyage, et comment il mut premièrement. Si est à savoir que le comte d'Eu, cousin prochain du roy de France, avoit, comme vaillant chevalier qu'il estoit et grand voyageur selon son jeune âge, jà esté en plusieurs parts aval le monde en maints honorables voyages.
Entre les autres avoit esté en Hongrie, et le mareschal avec luy, si comme cy devant avons compté. Si l’avoit le roy de Hongrie moult honnoré en son pays, et à lui faict grande amitié et maint signe d'amour. Pour laquelle alliance et affinité, le dict roy de Hongrie luy manda et fit savoir par un hérault : que Basat venoit sur luy en son pays à bien quarante mille Sarrasins, dont les dix mille estoyent à cheval, et les trente mille à pied. Si avoit délibéré de leur livrer la bataille. Et pour ce, comme tout bon chrestien et par espécial tous vaillans nobles hommes doivent désirer eulx traveiller pour la foy chrestienne, et volontiers et de bon cœur aider à sous tenir l'un l'autre contre les mescréans, il luy requéroit son aide, et aussi le prioit que illefist à savoir au mareschal Bouciquaut, en la bonté et vaillance duquel il avoit grande flance, et ainsi le voulust annoncer à tous bons chevaliers et escuyers qui désiroïent accroistre leur honneur et leur yaillance. Car moult estoit le voyage honnorable, et aussi avoit grand besoing de leur secours et aide. Quant le comte d'Eu eut ouy ces nouvelles, tantost il le dict au mareschal, lequel incontinent et de cœur délibéra d'y aller. Si respondit que au plaisir de Dieu il iroit sans faille; car à ce estoit-il mu pour trois raisons. L’une pour ce que il désiroit plus que autre riens estre en bataille contre Sarrasins, L’autre pour la bonne chère que le roy de Hon grie luy avoit faicte en son pays. Et la tierce
raison estoit pout le grand Amôur que il avoit à | sés propfés despéns, étcepté les chevüliess ét
It ati entreprenoit le voyage, et le plaisir que il avoit d'aller en sa compaignie. Si fust ceste chose tantost espaudue par tout, et tant alla avant que le duc de Bourgongne qui ores est et lors estoit comte de Nevers en ouyt parler.
Adenc luy qui estoit en fleur de grand jeunesse, désirant suivre la voye que les bons quitrent, c'est à sçavoir honneur de chevalerie, considérant que mieulx ne se pouvoit employer que de donner au service de Dieu sa jeunesse, en traveillant son corps pour l'accroissement de la foy, désira moult d’aller en ceste honnorable beson- . Et tant de ce timorina son père le duc de ngue qui lors vivoit, qu'il eut congé d'y
aller. De ceste chose alla le bruit par tout, et pour ce que adonc estoient trefves en France, pour laquelle cause chevaliers et escuyers y estoient peu embesongnés des guerres, désirèrent plusieurs jeunes seigneurs du sang royal, et autres barons et nobles hommes, à y aller, pour eulx tirer hors de oiseuse, et employer leur temps et leurs forces en fait de chevalerie; car bien leur sembloit , et vray estoit, qu'en plus honnorable voyage et plus selon Dieu ne pouvoient aller. Si fut toute la France esmue de ceste chose. Et pour les nobles seigneurs et barons quiyalloient, à peine estoit chevalier ne escuyer qui puissance eust qui n’y désirast aller. Et des principaulx qui furent de ceste emprise dirons les noms et le nombre des François. Le premier et le chef de tous fut le comte de Nevers, qui ores est duc de Bourgongne, cousin germain du roy de France, monseigneut Henry et monseigneur Philippe de Bar frères, et cousins germains du roy, le comte de la Marche, et le comte d'Eu connestable, cousins du roy. Des barons : le seigneur de Coucy, le mareschal Bouciquaut, le seigneur de la Trimouille, messire Jean de Vienne admiral de France , le seigneur de Heugueville , et tant d'autres chevaliers et escuyers, toute fleur de chevalerie et de noble gent, que ils furent en nombre bien mille du royaume de France. Si fait icy à noter le grand couraige et bonne volonté que les vaillans François ont toujours eu et ont en La noble poursuite d'armes, pour lequel honneur acquérir n’espargnent corps, vie, ne chevance. Car il est à savoir que nonobstant que ils eussent fait le oomte de Nevers leur chef, si comme raison estoit, si y alloit chacuu à
escuyers qui y alloient soubs les seigneurs et barons, pour les accompaigner et pour leur estat; Et entre les autres le mareschal Bouciquatt y mena à ses despens soixante dix gentils-hommes, dont les quinze estoyent chevaliers ses pe rens, c'est à sçavoir messire Je Barrois, messire Jean et messire Godemart de Linières, messire Regnaud de Chavigny, messire Robert de Milli, messire Jean d'Egreville, et autres, jusques aa nombre dessus dict. Et semblablement les autres seigneurs en menérent ; et par espécial le comte de Nevers y mena belle compaignie de gentilshommes, de l’hostel de son père et des siens.
