CHAPITRE XXIIL

De plusieurs villes que le roi de Hongrie prist sur les Turcs, par l’aide des bons François : et comment le vaillant mareschal Bouciquaut entre les autres bien s’y porta.

Après que la ville de Baudins eut esté prisé comme dict est, se partit de.là le roi de Hongrie à tout son ost, et s’en alla devant une autre ville appellée Raco. Mais si tost que le comte d'Eu et le mareschal de Bouciquaut sceurent que le roy avoit délibéré d'aller là, ils firent une emprise pour y estre des premiers. Si allèrent avee eulx plusieurs grands seigneurs , c'est à sçavoir messire Philippe de Bar, le comte de la Marche, le seigneur de Coucy, le séneschal d'Eu et plus sieurs autres, et chevauchérent toute nuit tant qu'ils y furent le matin. Mais si tost que les eus nemis les virent approcher ils issirent dehors ea grand quantité pour aller rompre un pont

gisant qui estoit par dessus bi grand fossé, qui deffendoit que nul ne pust venir près des murs ny de la closture de la dicte ville. Et estoit celuy fossé si très profond que en nulle manièré 61 ne le pouvoit passer, fors par sus iceluÿ pont. Si arrivérent là nos gens, qui se hastolent d’allef avant que les Sarrasins pussent estre À tempg à despecer le pont. Si s’entrecoururent sus en celle place, et nos gens les envahirent de grand vigueur, qui moult y firent de belles armes:

car les Sarrasins taschoïent tousjouts à venit rompre le pont, et avoient faict une telle ordonnance, que tandis que une partie d’entre eult maintiendroit la bataille, les autres iroient despecer le dict pont : mais tout ce ne leur valut rien‘ car le vaillant mareschal demanda au comté d'Eu, pour ce que il estoit premier chef d'icellé emprise, la garde du dict pont, qui forte chosé estoit à garder et difficile, pour la grande quan: tité de Sarrasins qui tousjours ÿ arrivoient : et il luy bailla. Si le garda si vaillamment, luy et ses gens, que Sarrasins n'eurent pouvoir d'en approcher; et moult y fit le mareschal de belles armes par plusieurs fois ; car souvent repoussoit les Sarrasins par vive force dedans leur ville, et puis de rechef ils issoient dehors. Mais il letat estoit derechef à l'encontre, par telle vertu qué ils ne pouvoient souffrir sa bataille, et t’aller les en convenoit. Et à bref parler de te que il feit 1à endroict, sans faille tellement y ouvra que il monstra bien, si comme autresfois avoit fait, que il estoit un très vaillant et esprouvé chevalier. Le comté d'Eu ét les autres

françois qui avec luy estoient, qui se Comba = toient à l’autre partie des Sarrasins comme dict est, tant y firent et tant ÿ chappelérent, et tant bien s’y portèrent que par force reboutèrent les Sarrasins en leur ville et moult en oc: cirent. Celle journée arriva le roi de Hongrie à tout son ost celle part, et tantost prist à mettré ses gens en ordonnance pour assaillir la ville. Quand le mareschal Bouciquaut vit ce, fl en« voya tantost de ses gens en un lieu brès d’illec, où il y avoit de beaux arbres, et fit faire deux grandes eschelles : et quand il vit la grande flotte des gens d'armes venir pour aller assaillir la ville , adonc dit-il à ses gens: « Certes, dit-il, grand hotite nous seroit, si autres gens passoiettt ce pont devant nous qui l'avons eu en paré, Or sus, mes très Chers compaignoné et amis ; Pal

sons tant en ceste besogne que il soit renom de nous. » À tant sans plus dire se mit devant , et tous scs gens le suivirent de bonne volonté. Si s'alla mettre au plus près du mur, et là furent apportées les eschelles que il avoit faict faire. Si commencea l’assault, luy et les siens, avant que autres gens y venissent. Si vissiez là faire merveilles d'armes ; car la grande hardiesse que ces bonnes gens prenoient ès biens faicts de leur conduiseur les faisoit abandonner comme lyons; et pour la grande ardeur que ils avoient de monter contre mont les murs, ils chargeoient tant les eschelles que à peu ne brisoient. Si estoit la bataille là moult grande de ceulx de dehors qui estrivoient à monter sur les murs, et de ceulx de dedans qui leurchalengoient vigoureusement. Si s'entrelançoient de merveilleux coups, dont moult en y avoit de morts et d'affolés d’un côté et d'autre. Toutesfois firent tant Sarrasins que ils froissèrent une des eschelles des grands fais des pierres que ils lançoient contre val. Et sur l’autre fut monté Hugues de Chevenon qui portoit le panon du mareschal, qui moult vigoureusement se combatit; mais tant le presstrent les Sarrasins que ils lui arrachèrent le dict panon d'entre les poings, et à la fin renversèrent luy et l'eschelle contreval, où il fut moult froissé : mais tost y eut qui le tira hors de la presse. Si fut là l'assault grand et merveilleux. Jà y estoyent arrivés les autres François et le roy de Hongrie à tout son grand ost. Si dura ainsi tout le jour jusques à ce que la nuit les départit. Et si le mareschal y avoit été des premiers, aussi fut-il des derniers retraits. Et tant y fit d’armes celle journée , que de lui et de son fait furent grandes et honnorables nouvelles, et aussi de ses bonnes gens qui tant bien s’y portèrent que nulles gens mieulx ne pussent. Mais nonobstant que le bon mareschal etses gens fussent si foulés que à peu n’en pouvoient plus, ne cuidez mie que pourtant s’allassent reposer; ains quand tous furent passés, se tint à garder le susdict pont que les ennemis ne le vinssent despecer. Et si croyez fermement, vous qui ce oyez, que uul n’avoit envie de luy oster cest office, ny de prendre la garde du dict pont. Le lendemain que nos gens cuidèrent retourner à l'assault, ceux qui estoient dedans, qui estoient la plus grande partie chrestiens grecs, virent bien que #onobstant que fust leur ville moult forte, que

ils ne se pourroïent au dernier garder, se rendirent au roy de Hongrie, sauves leurs vies et leurs biens. Et le roy qui eut conseil quele mieulx estoit de les y prendre que ce que il mist plus en péril ses gens, et aussi veu que ils étoient chrestiens, les receut à celle convenance. Si fut estably le mareschal pour les garder que nulle offense ne leur fust faite. Si entra dedans la ville à tous ses gens, et si bien fit son debvoir de les garder que rien ne leut fut mesfaict. Et iceulx chrestiens baillèrent tous les Turcs qui estoient dedans au roy de Hongrie, qui tous les fit mourir. Ceste chose achevée, se partit le roi pour aller mettre le siége devant Nicopoli, qui est une moult forte ville; et en allant à ce siége, le mareschal, qui le cœur n’avoit à autre chose fors à tousjours grever les Sarrasins, savoit par ses espies les embusches et les retraits où Sarrasins par routes et par troupeaux repairoient , et se mettoient en embusches, pour cuider courir sus aux nostres. Mais le vaillant mareschal, par son sens et par son aguet, leur estoit sur le col avant que ils s'en donnassent de garde; et par telle manière leur porta de grands dommaiges par plusieurs fois, et moult en occirent luy et les siens. Et semblablement fit le comte d'Eu et nos autres barons françois, qui tant bien firent tous jusques alors et tant monstrèrent leurs prouesses , que le roy de Hongrie et tous ceulx de sa partie en estoient d'autant enhardis, et leur en estoit creu le couraige, que ils ne doubtoient tout le monde. Hélas! si fortune ne leur nuisist , bien pourroient encores bénir l'heure et le jour que telle noble compaignie de François leur estoit venue. Mais comme fortune est souvent coustumière de nuire aux bons et aux vaillans , sembla que elle eust envie du grand

| bien et de l'excellente vaillance qui estoit en eulx.

Hé qui est-ce qui se puisse garder de male for. ture? Quand elle veult courir sus et nuire à qui que ce soit, bien en sçait trouver les tours. Ne s’en put mie garder jadis Hercules le fort, quand il vestit la chemise envenimée dont il ne se don noit de garde. Ne ne se plaignit mie moins de fortune le preux Hector qui tant avoit raict de chevaleries, quand Achilles par derrière le vint férir et le jetta mort. Ni Troye la grand cité ne cuidoit point quefortunetant au bas la sceust mettre comme elle la mit. Alexandre-le-Grand, qui osa envahir tout le monde, ne fut-il pas par

à dr se Per —.

PT 7 nr pe pr) nm AC

elle en un séuimoment rué jus? O Hannibal, grand empereur de Carthage, ne te peux-tu plaindre de ceste faulse déesse? Ne se joua-elle pas bien de toy à la pelote, quand elle te mit si hault que tu surmontas, vainquis etsubjuguasla grand force des Romains, et que tu ne redoutois tout le monde, puis après, quand ellet’eust accueilly en haine, elle te alla minant par plusieurs malheurs, et tant que elle te conduisit au poinct que il n’étoit nul homme plus povre de toy? Car avec ce que tout avois perdu, il n’y avoit lieu ni place sur terre où tu osasses ne peusses à seur héberger; et en fin atant te mena la desloyale que tu fus contrainct par désespoir de toi mesme occire par dur venin. Que dirons-nous de Pompée le très excellent prince romain , lequel, après que il eut conquis une grande partie du monde, chut tellement ès durs lacs de fortune, que au dernier fut contrainct fuir misérablement à refuge au roy Ptolumée d'Égypte, que il cuidoit estre son ami, pour ce que à Pavoit remis par sa puissance au droict de son royaume ? Mais ce fut bien fortune qui là le conduisit, car le desloyal roy ingrat traitreusement le fit occire. Ha fortune ! fortune ! trop fol est cil qui ne redoubte la mutabilité de tes doubles visaiges, et qui toujours te cuide tenir en csgale beauté. Car en peu d'heures souventes fois se change la prospérité en quoy tu sçais les hommes hault exaucer.