PERS
rm =
savoir, vous qui ce oyez, si grand douleur avoit au cœur, luy qui est un très bon et benin seigueur,, et si grand mal luy faisoit d'ainsi veoir martirer ses bons et loyaulx compaignons, et ses gens, qui tant luy avoient esté féaulx, et qui si preux par excellence estoient. Certes, je croy que tant luy en douloit le cœur que il voulsist à celle mort estre de leur compaignie. Et ainsi l’un après l’autre on les menoit au martyre, ainsi comme jadis on faisoit les benoists martyrs; et B on les frappoit horriblement de grai:ds cousteaux par testes, par poitrincs, et par espaules, que on leur abatoit jus sans nulle pitié. Si peulton savoir à quels piteux visaiges estaoient menés à celle piteuse procession; car tout ainsi que le boucher traisne l’aigneau au lieu de sa mort, estoyent là menés sans nul mot sonner, pour occire devant le tyran les bons chrestiens. Mais nonobstant fust ceste mort moult dure, et le cas très piteux, toutefois tout bon chrestien doibt tenir que très heureux furent et de bonne heure nés de telle mort recevoir; car une fois leur convenoit mourir, et Dieu leur donna la grâce que ils moururent de la plus saincte et digne mort que chrestien puisse mourir, selon que nous tenons en nostre foy , qui est pour l’exaus-
sement de la foy chrestienne, et estre accompai-
gnés avec les benoists martyrs, qui sont les plus heureux de tous les ordres des autres saincts de paradis. Si n’est mie doubte que, s'ils le receurent en bon gré, que ils sont saincts en paradis. A icelle piteuse procession fut mené le mareschal de France Bouciquaut tout nud, fors de ses petits draps. Mais Dieu, qui voult garder son servant pour le bien qu’il debvoit faire le temps à venir, tant en vengeant sur Sarrasins la mort de celle glorieuse compaignie, comme des autres grans biens qui par son bon sens et à cause de luy debvoient adyenir, fit que le comte de Nevers, sur le poinct que on vouloit férir sur luy, le varegarder moult piteusement, et le maréschal luy. Adonc prist merveilleusement à douloir le cœur au dict comte de la mort de si vaillant homme, et luy souvint du grand bien, de la
prouesse , loyauté et vaillance qui estoit en luy.
Si l'advisa Dieu tout soubdainement de joindre les deux doigts ensemble de ses deux mains en regardant le Basat, et fit signe qu'il luy estoit comme son propre frère, et qu'il le repitast : le- quel signe le Basat entendit tantost, et le fit
laisser. Quand celle dure exécution fut parfaicte, et que tout le champ estoit jonché de corps de benoists martyrs, tant de François comme d’autres gens de diverses contrées, le maudit le Basat se leva de là, et ordonna que le mareschal qui de mort avoit esté respité fust mené en prison en une grande bonne ville de Turquie appelée Burse. Si fut faict son commandement, et là fut tenu jusques à la venue du dict Basat.
