CHAPITRE XXWVIIL

Comment, après le retour de Hongrie, le roy envoya le mareschal en Guyenne, à belle compagnie de gens d'armes sur le comte de Pierregort qui s’estoit rebellé contre luy. Si le prit et amena prisonnier au roy.

Après ce retour de Hongrie, fut le mareschal toute celle saison à repos; car assez besoing en avoit. Si advint en celuy temps que le comte de Pierregort se rebella contre le roy de France, et mit les Anglois dedans ses chasteaux et forteresses sans qu'il eust nulle cause de ce faire. Et commença à faire grand guerre aux pays du roy en Guyenne, et à bouter feu, à occire gent , et à faire tout du pis qu'il pouvoit. De ceste chose furent portées les nouvelles au roy. Pour lesquelles offences faire amender, il y envoya le vicomte de Meaux et messire Guillaume de Tignonvilie, avec bonne compaignie de gens d'armes. Et quand ils furent là arrivés, le diot vicomte de Meaux fit commandement au comte de Pierregort que il se rendist au roy, et cessast de la guerre et des oultraiges que il faisoit : mais à ce ne voult oncques ohéir le dict comte, ne du commandement ne fist force. Si sembla à nos gens que qu'ils fussent trop peu gens pour le constraindre par force, si s'en retournèrent sans rien faire, quand une pièce y eurent esté, Et passa ainsi l'hiver.

Quand vint au renouvel de la saison le roy ordonna que le mareschal iroit au dict pays,

ESS RS 8 Nu "°° m— De + 0e ns ù ee