CHAPITRE XXXIV

Comnent le seiy;ueur de Chasteaumorant fit bien son debvoir de garder Consiautinoble, ct la famine qui y estoit, çt le remède qui y fut mis.

Le seigneur de Chasteaumorant, que le mareschal avoit laissé chef et garde de Constanti-

noble , fit tant bien son dehvoir de celle commission comme preud'homme envers Dieu et très vaillant chevalier aux armes qu'il est , que à tousjours mais en debvra estre honoré ; car très soignement il garda la ville; en laquelle, tost après que l'empereur fut party, fut sk très grand famine, que les gens estoient contraincts par raige cle faim de eulx avaler par nuict à cordes jus des murs de la ville, et eulx aller rendre aux Turcs. Pour laquelle chose Chasteaue morant estoit presque aussi diligent de faire bon guet, afin que la gent de la ville ne s’en fuist, comme pour Ja doubte des ennemis, aussi de paour qu'ils se rendissent à eulx. Si eut moult grand pitié de ceste pestilence , et un tel cone venable remède y trouva que il envoyoit souvent et menu ses gens courir et fpurraiger sur les Turcs, par tout où il sçavoit que il y avoit gras pays, quand ils ne s’en donnaient degarde. Si leur portoit de grands dommaiges ; et pre goit aucunes fois de bons prisonniers; et lee rançonnoient nos gens, les uns à argent, les autres à vivres. Et par celle voye et manière fit tant que la ville, Dieu mercy! fut remplie et aisée de tous biens ; ne il n'estoit vaisseau de Sarrasins qui là environ osast passer, qui tantost ne fust happé par ces galées qui tousjours estoyent en aguct. Et par ainsi garentit la cité de mort, de famine, et des mains des ennemis, et la remplit d'abondance. Et par la diligence qu’il y mettoit tousjours gaignoit quelque chose sur Sarrasins. Et ainsi la garda l’espace de trois ans contre Ja puissance des Turcs. Et à brief parler, tant y fit luy et les gens de sa compaignie, que ceulx qui en sçavent la vérité dient que, par luy et par les bons François qui avec luy estoyent, a esté sauvée et garantie d'estre du tout destruite et périe la noble et ancienne cité deg Constantinoble, Laquelle chose, n’est point de doubte, fut très agréable à Dieu, et grand honneur au roy de France et aux François qui bien leur vertu y csprouvèrent, et grand bien pour la chrestienté. Et tout ce bien advint par la saige prévoyance du bon mareschal qui les y laissa; parquoy nul ne pourruit dire le très grand bien qui advint de l'allée que le mareschal fit au dist pays.