CHAPITRE XX VI

Comment les Vénitiens assaillirent le mareschal, et la fière bataille qui y fut; et comment le champ et la victoire luy en derneura.

Le dimanche septiesme jour d'octobre, bien

. matin, se partit le mareschal du port de Sapience devant Modon , et se mit en voye pour

tenir son chemin droict à Jennes. Mais ores es-

toit temps que plus ne fust cachée la felonne

volonté des Vénitiens, qu’ils avoyent tant gar-

dée celément. Or leur semble véoir temps et lieu

de la mettre à effect; car assez despourvéu le

pouvoient prendre, et eulx au contraire es-

toyent bien garnis, et de leur fait advisés. Si

p'eut pas le mareschal erré environ deux milles,

“quand il vit partir de derrière l’isle de Sapience, le capitaine des Vénitiens accompaigné de onze galées, lequel alla tout droict à Modon, et là prit deux grosses galées de marchandises qui estoyent dedans le port, toutes chargées de gens d'armes jusques au nombre de mille hom-

mes, et avec ce bien dix-huict ou vingt vaisseaux tous chargés de gens d'armes et d’arbalestriers : et à tout cela et leurs onze galées que auparavant avoient très bien armées et chargées de gens d'armes et d'arbalestriers, après le mareschal tirérent tant comme ils purent : et furent mis en très belle ordonnance, comme pour donner la bataille. Et avec ce, par terre faisoient aller selon la marine grande foison de gens d'armes à pied et à cheval, afin que le mareschal et sa compaignie ne pussent eschapper par nulle voye, au cas que, par peur ou par quelque advanture, pour se sauver vers terre se retirast. Le mareschal qui voyoit de loing toute celle ordonnance, n avoit pourtant contre eulx nul soupçon, ains cuidoit que ils se départissent en telle forme du pays de delà, pour eulx en venir droict à Venise; car jamais n’eust peu penser que sans le défier ou lui faire à savoir, luy venissent par telle voye courir sus et l’assaillir. Si exploictérent tant leur erre les Vénitiens, que en peu d'heures furent moult approchés. Adonc les gens du mareschal qui en tel arroy venir les virent, luy dirent que sans faille les Vénitiens venoient contre eulx en trop mauvaise contenance d'amis : car ils estoyent érès grand nombre de gens armés en toute ordonnance de bataille, les arbalestriers tous prests de tirer, et les gens d'armes les lances droictes, et toutes choses apprestées comme il appartient pour assembler et pour combatre ; et pour Dieu qu'il y advisast, si que de son opinion ne fust mie déceu, par quoy se trouvast surpris désarmé et despourvéu. Quand le mareschal vit la manière , et que c’estoit à certes, adonc n’eut-il en luy que couroucer. Si fit hastivement ses gens armer, si peu qu'il avoit : car mal en estoit garny. Et trop luy pesoit de ce que deux jours

devant avoit congédié deux des naves de son

armée, toutes chargées de gens d'armes et d’arbalestriers ; et s’il eust cuidé ceste advanture bien s'en fust gardé, mais jamais ne l'eust pensé. Et à tout ce avoyent bien pris garde les Vénitiens, et pour ce le surprirent à leur advantaige. Si mit ses gens tantost en ordonnance, et ses arbalestriers, si peu qu'ils estoyent , et tantost fit tourner vers les Vénitiens les proues de ses galées, et tout apparciller pour assembler, si besoing estoit. Toutesfois il fit expresse défence que nul ne fist semblant de tirer à eulx

Es ns ff = 2 SF