CHAPITRE XV

Cy dit comment le mareschal par la vaillance de son couraige * entreprit d'aller prendre Alexandrie, et des messaigers qu’il envoya pour ceste cause au roy de Cypre.

. En l'année mille quatre cent sept, le bon mareschal, qui ne pense à autre chose fors comment tousjours augmenter et accroistre le bien de la chrestienté et l'honneur de chevalerie, advisant la grand pitié et honte aux chrestiens que les Sarrasins soyent seigneurs et subjuguent les nobles terres d'oultre mer, qui dussent estre propres héritaiges des chrestiens, si mauvaisetié et lasche couraige ne les destournoit de les aller conquérir, luy va venir une haulte emprise au couraige. C’est à savoir que faisable chose, seroit et assez légère qui l’oseroit entreprendre, et par bon moyen, que la cité d'Alexandrie, qui tant est noble et de grande renommée, fust prise et ostée des mains des Sarrasins : laquelle chose, s’iladvenoit, seroit grand honneur aux conquesteurs, et très grand profit à toute la chrestienté. Si proposa que en ceste chose mettroit corps, chevance et pouvoir , et une saison y employeroit, et plus long-temps si mestier estoit. En ce temps estoit venu à Jennes un ambassa- ‘deur de la part du roy de Cypre, le très noble et révérend messire Raymond de l'Esture, prieur de Thoulouse, et commandeur de Cypre, homme de grand honneur, saige , preud’homme, et expert en toutes choses. Si pensa le mareschal que il se descouvriroit à luy de ceste chose, tant ‘pour enouïr son bon advis, comme pource que il avoit hanté le pays et grand pièce fréquenté avec les Sarrasins en la dicte ville d'Alexandrie; si le pourroit adviser d'aucun bon point. Et comme le mareschal a de coustume de ne rien entreprendre sans premièrement y appeller le nom de Dieu et son ayde, alla un jour en pélerinage à une dévote église qui est à une lieue de Jennes, que on appelle Nostre Dame la Couronnée, et là manda le prieur de Thoulouse. Et eprès la messe qu'il fit dire à grande solemnité,

luy descouvrit le dict secret et toute son intention de ceste chose, de laquelle le dict prieur fut très joyeux, et mouit l'en reconforta. Et dit que sans failler par ce que il luy pouvoit estre advis, estoit chose très faisable, et que il mesme volontiers y ayderoit de son corps, de gens et de chevance, car l'emprise estoit agréable à Dieu, proffitable à la chrestienté, et très honnorable à qui s'y employeroit. Si fut de ceste chose encore plus reconforté le mareschal. Et quand toute la manière de ce faire eut bien advisé et tout délibéré en son couraige, et advisé ceulx qui propices et bons luy sembloient pour descouvrir ceste chose, et envoyer en ambassade là où convenable luy sembloit, comme sera dict cy après, il les fit appeler, c'est à savoir un très noble et notable religieux de l'ordre de Saïnct- Jean, appelé frère Jean de Vienne, et son escuyer Jean de Ony cy dessus nommé. Et leur dit toute son intention, et leur devisa ce qu’il luy plaisoit que ils fissent. Mais pour ce que mémoire ne peult bonnement toutes choses que les oreilles oyent si enclorre en soy que retenir les puisse, affin que rien n’oubliassent de leur commission, leur bailla par bel mémoire escripte la manière que il vouloit que ils tinssent. Laquelle dicte instruction et mémoire, affin que rien je n’y adjouste du mien, comme elle vint de luy, celle mesme par articles, comme elle m'a esté baillée , ay incorporée et mise cy endroit, comme il s'ensuit.

«C'est l'instruction de toutes les choses que nous, Jean le Maingre dict Bouciquaut, mareschal de France, avons donné en sommission de poursuivre de par nous ès lieux ci après déclarés, le septième jour du mois d'aoust, en l'an de Nostre Seigneur mille quatre cent sept, à vous noble religieux frère Jean de Vienne, commandeur de Belleville, et à vous, Jean de Ony, nos très féaux et bien aimés.

«Premièrement voulons et vous eujoignons que ceste chose teniez secrète sur toute chose, par telle manière que personne quelconque apercevoir ne le puisse, et à nul soit descouverte fors au roy de Cypre, vers qui vous envoyons, et à aulcun de son conseil , pource que si aperceue estoit, nous pourroit tourner à destourbier; et que vous partis de nous, au plaisir de Dieu, avec la charge que nous vous commettons et ordonnons, pour accomplir nos désirs,

- DE JEAN BOUCIQUACUT.— PARTIE IIL

comme ceux en qui espécialement nous nous fions, que mettiez toute diligence et peine de à vos pouvoirs l'accomplir, selon la forme et manière de vostre instruction. Et supposez que vous avons très bien informés des besognes selon nostre volonté, lesquelles savons bien que vostre bon sens les aura très bien en mémoire, et que les mettrez à effect très diligemment selon vos pouvoirs, néantmoins pour vostre sureté, et affin que ayez plus parfaite mémoire de nous et de nostre plaine intention, vous baillons par escript ce qu'il nous plaist estre par vous accomply au dict voyage.

. «Tout premièrenent vous en irez à Venise, et là prendrez vostre passaige jnsques à Rhodes. Si nous plaist bien que là puissiez demeurer de huict à neuf jours, si bon et expédient vous semble, et visiterez monseigneur le grand maistre de Rhodes, auquel nous recommanderez, et aux autres seigneurs, et de nos nouvelles leur direz, l’estat de par decà, et que la cause de vostre allée est pour aucunes besongnes qui bien nous touchent, c’est à scavoir pour les joyaux du roÿ de Cypre, qu'il bailla en gaige aux Genevois au temps que nous fusmes en Cypre, pour récompense de trente mille ducats de despens que les dicts Genevois avoyent fait en l'armée de Famagouste, laquelle ville le roy cuida usurper et tollir aux dicts Genevois, et par la paix et accord que nous fismes la rendit, et s'obligea à la dicte somme de deniers pour nos frais. Et iuy dictes la forme et la manière .que nous avons tenue avec le prieur de Thou- Jouse, et la somme de deniers que luy avons baillée pour rachepter les dicts joyaux au nom du roy. Et en cest espace de temps vous pourvoyez de navire pour vous porter en Cypre; et si par adyanture ne le trouvez, vous prierez de par nous le dict monseigneur le grand maistre qu'il luy plaise le vous faire avoir.

« Estans partis de Rhodes, quand il plaira à Dieu que soyez en Cypre, tout droict vous en irez à l'hostel de Sainct-Jean en Nicosie, et par le lieutenant du prieur de Thoulouse ferez savoir au roy de Cypre vostre venue, et quand luy plaira que luy alliez faire la révérence. Et de luy ouie la response, et venus en sa présence , nous recommanderez à sa seigneurie, et à messeigneurs ses frères, puis luy baillerez nos lettres de créance, Et quand son bon plaisir sera d’ouir

vostre créance, priez-le de par nous que ce soit si secrètement que nul fors que luy entendre le puisse ne s'en donner de garde. Et vous mesmes soyez bien advisés que si secrètement soit que ne puissiez estre entendus.

«Et tout premièrement le prierez de par nous très à certes, que les choses que luy aurez à déclarer veuille bien tenir secrètes, pour les périls qui s'en ensuivroient, et pour son propre honneur et exhaussement. Après commencerez vostre narration, en disant : que la bonne renommée qui en France et par tout le monde court desjà de ses grands bienfaits, de belles envaies qu’il a par plusieurs fois faites sur les Sarrasins, et chascun jourfait, en s’efforçant de les grever, en quoy comme il appert n’espargne corps, vie, ne avoir, par très grand diligence, le faict tenir aujourd’huy un des jeunes princes du monde qui le plus bel commencement a, et qui plus faict à louer ; parquoy on espère que il veult et a désir d’'ensuivre en hault honneur et prix de chevalerie ses très nobles prédécesseurs, qui tant acquirent de los en terre par les mérites de leurs vertus, et des grandes guerres et nobles emprises que ils firent en leurs propres personnes contre les mescréans, et ennemis de la foi dé Jésus-Christ, qu’à tousjours mais avec les vivans sera mémoire de leurs grands bontés et vaillance. Et pour ce, nous qui désirons detout nostre cœur l’honneur et exhaussement de son noble estat et seigneurie, pour laquelle chose vouldrions exposer corps et avoir, par plus grande affection que pour prince qui vive, après la personne du roy de France et de nosseigneurs de son sang, pour les dicts grands biens qui sont dicts de son bel et bon gouvernement ès terres voisines et en toute part désirant, d’estre cause que tousjours sa belle jeunesse continue

.de mieulx en mieulx, avons advisé une haulte

et noble emprise digne de mémoire à tousjours mais, et de souverain los pour luy, si Dieu par sa grâce la donnait venir à bonne fin, ainsi que elle est bien faisable , si à ce luy plaist entendre. Et pour ceste cause, c’est à savoir pour luy annoncer la chose que avons bien discutée en nous

mesmes avant que délibérée l’ayons, laquelle

uous semble agréable à Dieu et proffitable à toute chrestienté, si Dieu la donne achever, vous avons envoyés devers sa royale majesté.

Etadone, vous envoyés de par nous, descouvrires

au diet toy de Cypre tout le dessein que pris avons sûr la prise de la cité d'Alexandrie. Et tousjours blen luy notez et repliquez, si mestier æst, où il escherra, que : pouf ce que nous voyons sa bonne volonté, voulons employer nostre pro- ‘pré personne, et celles de nos parens, amis, et serviteurs, eh 6a compaignie, avec nostre chevance ; et que à ce faire nous meuvent quatre principales faisons. La première est que , pour le pur amour de Nostre Seigneur, voulons nous -émployer 4 son seivice, et le bien et exhaussement de chrestienté. La seconde, pour acquérir ‘mérite à nostre âme. La tierce, pour ce que ‘nous vouldfions éstre cause, comme dict est, que sa force et sa belle jeunesse s’employast à tout bien faire: parquoy los à tousjours luy en demeure, Et la quarte, pour la cause qui doibt esmouvoit tout chevalier et gentilkhomme que son corps incessamment employe en la poursuite d'armes , pour acquérir honneur et renommée.

Et apfès ces choses dictes, pour mieulx animer et accroistre le désir du dict roy à entendre à ceste chose, luy montrerez par bonne manière comment Dieu luy monstre grand signe d'amour, -quand il luÿ mect en main si haulte chose, satis grand coûst de sa part, mais le plus aux despeñs ‘et labeur d’autruy. Et que s’il le refusoit, peur -debvtoit avoir que Dieu s’en courroucast, et que aussi jarais nul n'auroit fiance que de grand et hault couraige fust ne entreprenant.