CHAPITRE XWY

Exemples des vaillans bommes trespaseés qui squrent bon gré à ceulx qui avoyent escript et enregistré leurs gestes et leurs vaillans faits.

Pareillement sçut grant gré Scipion l'Afri- Cain au poëte Ennius, quiavoit eseript ses nobles faits, et luy en rendit grandes grâces et guerredons. N'en fist mie moins le noble et vaillant chevalier Brutus Drusus, lequel, pource que un très excellent poëte, nommé Actius, avoit mis et escript ès entrées des temples moult beaux vers, contenans les belles victoires que le dict Brutus Drusus avoit eues de ses ennemis, et comment les despouilles et proyes que il avoit conquises, il les avoit données pour aourner les temples, il réputa à tousjours celuy poëte son amy; et sa grande largesse et libéralité estendit vers luy. Pareillement fist Jules César; car à plusieurs clercs poëtes qui escriprent en divers styles de luy, et de ses très nobles faits et autorisées conquestes, seut moult grand gré, et grand semblant leur en fist par mains guerredons que il leur en rendit. Et s’il eust agréable un livre entre les autres, qui lui en fut donné, bien le monstra; car au temps queil estoit à la conqueste de la terre d'Égypte, si que recorde Lucan, et il se combatoit en mer contre ses ennemis, qui l’avoient tellement appressé que sa nef estoit moult eslongnée de ses autres gens, et de son grant navire, parquoy il fut si contrainct que pour sauver sa vie, il convint que il se désarmast , et saillist en mer, de toutes les richesses que il avoit il ne mist peine à riens sauver fors seulement le livre de ses faits que il porta en sa main senestre, tousjours au dessus de l'eau, de paour que il fust mouillé, et noa à la main dextre l'espace de cent pas de mer, jusques à ce que il vint à ses gens; qui fut une merveilleuse vigueur en un homme de ce pouvoir faire. Si estoit bien signé que il avoit grant amour à son livre

Et ainsi ces nobles hommes avoient joye que leur renom fust perpétuel. Et n'est mie de merveilles; car tout homme naturellement désire gloire. « Et la cause, ce dict Aristote, est, pour ce que toute chose par nature tend et tire le plus que elle peut à sa perfection.» Et qu'il soit vray que tout vaillant homme désire à avoir los, et le doit désirer, du bien que il fait, quoy que

. aucuns dient que on ne doilt désirer non , mais