LIVRE V, CHAPITRE XL
Consequemment estoit l'ost des îndians comme adverty que Bacchus mettoit leur pays en vastation. En front estoient les elephans, chargez de tours, avec gens de guerre en nombre infîny; mais toute l'armée estoit en routte, et contre eux et sus eux se tournoient et marchoient leurs elephans par le tumulte horrible des Bacchides et la terreur panique qui leur avoit le sens tollu. Là eussiez veu Silenus son asne aigrement talonner, et s'escrimer de son baston à la vieille escrime, son asne voltiger après les elephans la gueule bée, comme s'il brailloit, et braillant martiallementfen pareille braveté que jadis il esveilla la nymphe Lotis en plains Bacchanales, quand Priapus plein de priapisme la vouloit dormant priapiser sans la prier) sonnast l'assaut.
Là eussiez veu Pan sauteler avec ses jambes tortes autour des Menades, avec sa fluste rustique les exciter à vertueusement combatre. Là eussiez aussi veu en après un jeune Satyre mener prisonniers dixsept roys, une Bacchide tirer avec ses serpens quarante et deux capitaines, un petit Faune porter douze enseignes prinses sur les ennemis, et le bon homme Bacchus sur son char se pourmener en seureté parmy le camp, riant, se gaudissant et beuvant d'autant à un chascun. En fin estoit représenté en figure emblématique le trophée de la victoire et triomphe du bon Bacchus.
Son char triomphant estoit tout couvert de lierre pnns et cueilly en la montagne Meros, et ce pour la
rarité, laquelle hausse le pris de toutes choses en Iridié, expressément d'icelles herbes. En ce depuis l'imita Alexandre le Grand en son triomphe Indique, et estoit le char tjré par elephans joints ensemble. En ce depuis l'imita Pompée le Grand, à Rome, en son triomphe aphricain. Dessus estoit le noble Bacchus beuvant en un canthare. En ce depuis l'imita Caius Marius après la victoire des Cimbres, qu'il obtint prés Aix en Provence. Toute son armée estoit couronnée de lierre, leurs tyrses, boucliers et tymbons en estoient couvers; il n'estoit Tasne de Silenus qui n'en fust capparaçonné.
Es costez du char estoient les roys Indians, prins et liez à grosses chaisnes d'or; toute la brigade marchoit avec pompes divines en joye et liesse indicible, portant infinis trophées, fercules et despouilles des ennemis, en joyeux epinicies et petites chansons villatiques et dithyrambes resonnans. Au bout estoit descript le pays d'Egipte avec le Nil et ses crocodilles, cercopitheces, ibides, singes, trochiles, ichneumones, hipopotames, et autres bestes à luy domestiques, et Bacchus marchant en icelle contrée à la conduite de deux beufs, sus l'un desquels estoit escript en lettres d'or Apis, sus l'autre Osyrîs, pource qu'en Egipte, avant la venue de Bacchus, n'avoit esté veu beuf ny vache.
Rabelais. IV.
